ՀԱԿ-ի ինքնաոչնչացումը, Ծառուկյանի գործոնն, ՀՅԴ-ի փափուկ անկյունը
Քաղաքագետ Լեւոն Շիրինյանը տրամաբանական է համարում Gallup-ի հարցումների արդյունքներ։ Օրերս հրապարակված արդյունքներով ՀՀԿ-ն արձանագրել է 19,5 տոկոս, , ԲՀԿ-18,4 տոկոս վարկանիշ, իսկ Կարեն Կարապետյանի վարկանիշը գերազանցում է Սերժ Սարգսյանի հեղինակությունից։ Նշենք, որ մի շարք ՀՀԿ-ականներ արձագանքելով այդ հարցումներին իրենց վրդովմունքն են հայտնել արձանագրված ցուցանիշների առումով՝ կասկածի տակ դնելով դրանց ճշմարտացիությունը. «Ի՞նչ է, իրենք կարծում են, թե ժողովուրդը խելագառվո՞ւմ է ՀՀԿ-ի համար» զարմացած հարցնում է Շիրինյանը, նրա համար տրամաբանական է նաեւ, որ Կարապետյանն ավելի բարձր վարկանիշ ունի, քան ՀՀԿ ղեկավարը.«Ժողովուրդը սպասելիքներ ունի, հասարակության վերաբերմունքը Կարապետյանի հետ կապված պայմանավորված է նրանով, որ նոր մարդ է, այստեղից չի նշանակված, կոռումպացված չէ եւ այլն, այս մտայնությունը կա ժողովրդի մոտ»։ Քաղաքագետը նկատեց, որ ՀՀԿ-ն ունի սոցիալդասակարգային ահռելի զանգված, որը կայուն էլեկտորատ է ապահովում այդ կուսակցության համար, քաղաքագետը հիմնարկությունների օրինակ բերեց,.«Ասենք գազալցակայանների բանվորները իրենց հետ են, որովհետեւ իրենք են երկրի տնտեսական տերը, իրենց խանութներն են, հիմնարկությունները եւ այլն, կապ չունի, թե իրենց անուններով չի գրանցված»։ Անդրադառնալով ԲՀԿ-ին՝ Շիրինյանը հիշեցրեց, որ «ծնված օրից» ԲՀԿ-ն ունեցել է խարիզմմատիկ առաջնորդ, որի հետ է կապվում նրա հեղինակությունը, ու թեպետ Գագիկ Ծառուկյանը հեռացել է քաղաքականությունից, բայց շատերը, քաղաքագետի խոսքով՝ տեղյակ չեն այդ մասին.«ԲՀԿ-ի վարկանիշը Ծառուկյանով է պայմանավորված, որովհետեւ վերջին հաշվով ԲՀԿ-ն առաջնորդի կուսակցություն է։ Թեպետ կա նաեւ այն հանգամանքը, որ վերջին մեկ տարվա ընթացքում ԲՀԿ նոր ղեկավար Նաիրա Զոհրաբյանը, եւս մի քանի կուսակցականներ այնքան ակտիվ են, որ այդ գործոնն էլ դեր է խաղացել Հետեւաբար, Շիրինյանը ամենեւին էլ զարմանալի չի համարում, որ քաղաքական հայտնի իրադարձություններից ու ԲՀԿ-ի հետ կապված այդքան անցուդարձից հետո անգամ Gallup-ի հարցումները ՀՀԿ-ի և ԲՀԿ-ի վարկանիշների միջև ընդամենը 1 տոկոսի տարբերություն են արձանագրել , ավելին նա կարծում է, որ ԲՀԿ-ն ռեալ հնարավորություն ունի իշխանափոխություն անելու, մանավանդ, եթե Գագիկ Ծառուկյանը վերադառնա քաղաքականություն.«Սպասելիքները, որ Ծառուկյանը կվերադառնա , հասարակության մոտ հույս է առաջացնում, հետեւաբար բնական է նման վարկանիշը»։ Հատկապես կտրուկ անկում է ապրել ՀԱԿ-ի վարկանիշը, հարցվածների ընդամենը 1.4 տոկոսն է վստահում երբեմնի արմատական այս կուսակցությանը, Լեւոն Շիրինյանի գնահատմամբ՝ ՀԱԿ-ն ինքն իրեն ոչնչացրեց.«Լեւոն Տեր-Պետրոսյանի մարտի 8-ից հետո եղած մետամորֆոզներով ՀԱԿ-ը իրեն ոչնչացրեց, եւ ապրիլյան քառօրյա պատերազմից հետո Տեր-Պետրոսյանը տվեց երկրորդ հարվածը, երբ մեկնեց Ստեփանակերտ ու մարդիկ հասկացան, որ այդ հիվանդ երեւակայությունը, որ ինչքան շուտ Ադրբեջանի հետ հարաբերություն ունենանք ու խաղաղությունն այնքան շատ կտրվի, այդ սկզբունքն է այստեղ կրառվում, դա էլ եղավ վերջնական ոչնչացումը»։ Քաղաքագետը ափսոսանք հայտնեց միայն ՀԱԿ պատգամավոր Արամ Մանուկյանի համար՝ ասելով, որ նա մեր նորագույն պառլամենտարիզմի լավագույն հիմնադիրներից է։ Իսկ ՀՅԴ-ն 2000 թվականից ըստ Սեդրակյանի ծառայել է Հայաստանի քաղաքական եւ օլիգարխիկ էլիտային.«Երբ սոցիալական կուսակցությունը դաշնակցում է օլիգարխիկ ուժի հետ ոչ միայն իր համար տաքուկ անկյուն է ապահովում, այլ ոչնչացնում է քաղաքական գործընթացը։ Հետեւաբար պետք չէ զարմանալ, որ ավանդակայն այդ կուսակցությունը չի հաղթահարել 5 տոկոսի շեմը»։ Gallup-ի հարցումների ամենավարկանշային երեք գործիչները Նիկոլ Փաշինյանը, Զարուհի Փոստանջյանն ու Ժիրայր Սեֆիլյանն են, մինչդեռ ոչ Ժառանգությունը ու ոչ էլ Քաղաքացիական պայմանագիրը բարձր վարկանիշներ չունեն։ Շիրինյանն այս առիթով էլ ասաց, որ մարդիկ չեն ճանաչում Փաշինյանի կուսակցությանը, բայց ընդունում են իրենց։ Անի Սահակյան