Կարեն Կարապետյանը՝ վտանգավոր իրավիճակում

«GALLUP International association»-ի հայաստանյան ներկայացուցչության կողմից հրապարկված ուսումնասիրությունների արդյունքները վարչապետ Կարեն Կարապետյանի դնում են բավականին վտանգավոր իրավիճակում: Թեպետ հարցման տվյալներով վարչապետի վարկանիշն այժմ գտնվում է պիկային բարձր մակարդակում, սակայն եթե ուշադիր դիտարկելու լիենենք հարցման բովանդակությունը, ապա վտանգները կդառնան ավելի քան ակնհայտ: Հարցման ընթացքում ` ինչպե՞ս եք վերաբերվում` Կարեն Կարապետյանին ՀՀ վարչապետի պաշտոնում նշանակելու որոշմանը հարցին,   57.2 տոկոսը պատասխանել է  «ավելի շուտ դրական» և 28 տոկոսը «լիովին դրական»: Կարեն Կարապետյանի գործելաոճը հարցվածների  56.2 տոկոսը գնահատել է «ավելի շուտ դրական», 28.9 տոկոսը«լիովին դրական, մինչդեռ բացասական վերաբերմունք արտահայտել է 37 տոկոսը: Փաստորեն, հարցվածների 85.1 տոկոսը դրական վերաբերմունք է արտահայտել Կարեն Կարապետյանի նկատմամբ, ինչն ամենաբարձր ցուցանիշն է վարչապետի և անգամ նախագահի վարկանիշային հարցումների մեջ: Կարեն Կարապետյանն իր պիկային ցուցանիշով էականորեն գերազանցել է նախագահ Սերժ Սարգսյանին/նախագահի գործունեությունը դրական է գնահատել ընդամենը  հարցման մասնակիցների 17,2 տոկոսը, այն դեպքում, երբ 23 տոկոսը դրական է գնահատում վարչապետի գործունեությունը: Մինչդեռ նախկինում որևէ այլ իշխանավոր իր վարկանաիշով չէր գերազանցել նախագահին: Վարչապետի անձով պայմամավորված՝ բարձր է նաև  կառավարության աշխատանքի գնահատականը, որը ևս նոր մոտեցում է: Ուշագրավը սակայն այն է, որ   քաղաքացիների 33,2 տոկոսը ՀՀ տնտեսության վիճակը «շատ վատ» է գնահատում,  և ընդամենը 1.2 տոկոսն է, որ «լավ» է գնահատել  տնտեսության վիճակը: Իրական վտանգը կայանում է հենց այս ցուցանիշի մեջ, որովհետև  այն, փաստացի,  հակասում է  վարչապետ Կարեն Կարապետյանի բարձր վարկանիշ ունենալու փաստին: Եթե հարցվածների մեկ երրորդը դժգոհ է տնտեսությունից, սակայն 85 տոկոսը գոհ է վարչապոտից, նշանակում է հարցումը չի արտացոլում իրական պատկերը: Տնտեսության  վիճակի պատասխանատուն  վարչապետն է, ուստի,  եթե տնտեսությունը վատ վիճակում է, ապա ինչու են մարդիկ գոհ վարչապետից՝ չէր որ տնեսության զարգացումը նրա թիվ 1 խնդիրն է: Ըստ էության՝  հասարկությունը հույսեր է կապում նոր վարչապետի հետ և ունի սպասումներ, որ նա, վերջապես, երկրում կարող են դրական փոփոխություններ լինել: Պաշտոնավարման  առաջին փուլում Կարեն Կարապետյանին հաջողվել է  դրական փոփոխությունների սպասում ձևավորել, բայց այդ սպասումը շատ երկարատև չի կարող լինել: Մի քանի ամիս անց, բնականաբար,   տնտեսության վիճակից դժգոհ մարդկանց մոտ հարց է առաջանալու. իսկ ի՞նչ է արել Կարեն Կարապետյանը վիճակը բարելավալու համար: Եվ եթե Կարեն Կարապետյանը կոնկրետ արդյուքներ չունեցավ, իսկ դրական  տնտեսական արդյունքներ առայժմ չեն նախանաշվում, ապա նրա վարկանիշը կարող է ռեկորդային անկում գրանցել: Հայտնի ճշմարտություն է՝ որքան մեծ է թռիչքի բարձրությունը, այնքան խորը կլինի անկումը: Այնպես որ,   երբ «GALLUP International association»-ի կողմից նախընտրական նոր հարցումներ պատվիրվեն և ամենակարևորը դրանք լինեն արժանահավատ, ապա Կարեն Կարապետյանին սեփական ռեյտնիգը կարող է խիստ  հիասթափեցնել: Դավիթ Մանուկյան