Նախագահի՝ ԼՂ հարցով հայտարարությունը նոր ցնցումներ է առաջացացնելու Ադրբեջանում
ՀՀ նախագահի այսօրվա ելույթը, մասնավորապես այդ ելույթի այն հատվածը, որտեղ ասված է, որ Լեռնային Ղարաբաղի հիմնախնդրում մեր դիրքորոշումն անփոփոխ է, և այդ հարցը կարող է լուծվել միայն Արցախի ժողովրդի ազատ ինքնորոշմամբ, անկասկած նոր ցնցումներ է առաջացացնելու Ադրբեջանի ներքաղաքական և հասարակական դաշտում, քանի որ թե՛ ԱՀ նախագահ Իլ. Ալիևը, թե՛ այդ երկրի այլ պաշտոնյաներ և վերլուծաբաններ արդեն ավելի քանի 7 ամիս զբաղված էին սեփական ժողովրդին համոզելու և հավատացնելու գործով, թե շուտով «զիջումներ են լինելու և տարածքներ են հանձնվելու»: Այդ ամիսների ընթացքում ամեն անգամ, երբ ՀՀ նախագահը շեշտել է ԼՂ հարցում մեր դիրքորոշման անփոփոխ լինելու մասին, Իլ. Ալիևը հայտնվել է իր ժողովրդի առաջ «անհարմար իրավիճակում»: Չեմ կարծում, որ այս անգամ բացառություն է լինելու: Այսպիսի հայտարարությունները արվում են միայն ու միայն հայ ժողովրդի, ՀՀ ցանկացած քաղաքացու աննկուն կամքի, սեփական հողը ամեն ինչից վեր դասելու հատկության շնորհիվ, քանի որ եթե չլինեին այդ հատկությունները, ապրիլից հետո գուցե այլևս չլիներ այսպիսի հայտարարության հնարավորություն: Արտյոմ Տոնոյան. Ֆեյսբուք
Հետևեք մեզ Viber-ում
