Ես նոր պաշտոնի ակնկալիք չունեմ.Բեգլարյան
Տրանսպորտի նախկին նախարար Գագիկ Բեգլարյանը կարծում է, որ լրագրողները կոպիտ են արտահայտվում , երբ իր եւ մյուս նախկին պաշտոնյաների դեպքում օգտագործում են ազատվել բառը։ Իր խոսքով՝ իրենց փոխարինել են։ Նա նեղացած չէ. «Նեղանալը տղամարդու համար չէ»։ Անդրադառնալով հարցին՝ Հյուսիս-հարավ ճանապարհի մասով չարաշահումներ կա՞ն, քրգործերի վերաբերյալ ինքը ծանուցում ստացե՞լ է, Բեգլայանը պատասխանեց. «Նոր նախարարն էլ հայտարարեց, որ Կառավարության կողմից երբեք չարաշահումներ չեն եղել, եթե լիներ չարաշահում, ապա կառավարությունը մայրուղու շինարարությունն իրականացնող իսպանական ընկերությունից բյուջե հետգանձում չէր անի»: «Առաջիկա ընտրություններին ընդառաջ ես շարունակելու եմ աջակցել ՀՀԿ-ին: Մենք բոլորս քաղաքականության մեջ ենք, եթե ես նույն եռանդով չպետք է աշխատեի, ի՞նչ է նշանակում, որ ես ամեն անգամ պաշտոնի համար եմ անում:Ես նոր պաշտոնի ակնկալիք չունեմ, իսկ առաջարկները ՀՀԿ-ում ընդհանուր են քննարկվում»,- ասաց նա: Գագիկ Բեգլարյանն ընդգծեց, որ այս պահին որևէ գործով չի զբաղվում, հանգստանում է:
Հետևեք մեզ Viber-ում
