ԳՄ նիստը կայացավ. ՀՀԿ-ի միակը Սերժ Սարգսյանն է
Այսօր երեկոյան տեղի է ունեցել ՀՀԿ գործադիր մարմնի նիստը: Ավարտից հետո լրագրողների հետ զրույցում ՀՀԿ մամլո խոսնակ Էդուարդ Շարմազանովը նշեց. ‹‹Այս կազմով ԳՄ վերջին նիստն էր: Կուսակցության ղեկավարը ներկայացրել է իր դիրքորոշումները: Վաղը տեղի ունենալիք համագումարի առացքը կլինի կուսակցության նախագահի ընտրությունը, նախագահը հանդես կգա ծրագրային ելույթով: Անդրադարձ կլինի նաև կուսակցության շինարարական աշխատանքներին, թերությունների շտկման գործընթացին, միջկուսակցական կապերի զարգացմանը, երկրի անվտանգությանը վերաբերող հարցերին, ԼՂ հիմնախնդրին, Հայաստան-սփյուռք կապերին››, – ասաց Շարմազանովը: Վերջինս շեշտեց՝ բնական է, ՀՀԿ-ում էլ թերություններ ու խնդիրներ կան, ուստի համագումարի ընթացքում անդրադարձ կլինի նաև կուսակցությունում առկա խնդիրներին ու դրանց լուծման ուղիներին: ՀՀԿ խոսնակը նշեց՝ կուսակցության նախագահի միակ թեկնածուն Սերժ Սարգսյանն է, ապա ավելացրեց, որ ՀՀԿ-ն մեկ լիդերի կուսակցություն է, մեկ օրգանիզմ և իրենք հպարտ են, որ կուսակցությունը ղեկավարում է հենց Սերժ Սարգսյանը:
Հետևեք մեզ Viber-ում
