«Պետք է հետևողական լինեք». վարչապետը Քաղավիացիայի պետին
ՀՀ վարչապետ Կարեն Կարապետյանը Քաղաքացիական ավիացիայի գլխավոր վարչության պետ Սերգեյ Ավետիսյանին կառավարության այսօրվա նիստում հանձնարարեց մինչև տարեվերջ ներկայացնել, թե գալիք տարվա համար ինչպիսի նոր ավիաուղղություններ են գործարկվելու: Այնուհետև հետաքրքրվեց, թե հաջորդ տարվա համար քանի նոր ուղղություններ եք ցանկանում ապահովել՝ օգտվելով «Բաց երկնքի» քաղաքականության հնարավորությունից: Սերգեյ Ավետիսյանը պատասխանեց, որ թվային արտահայտությամբ այս պահին չի կարող ասել քանի ուղղություն կբացվի: «Պետք է հետևողական լինեք, խնդրում եմ, մինչև տարվա վերջ գոնե ուրվագծեք, որպեսզի հասկանանք, թե տարվա կտրվածքով դուք ձեր առջև ինչ խնդիր եք դնում», - հավելեց վարչապետը:
Հետևեք մեզ Viber-ում
