Թրամփի կադրային որոշումները. Ինչո՞ւ են «կատաղած շներ» ընտրում
Ինքը՝ ընտրյալ նախագահը շատ գոհ է գոլֆ-ակումբում տեղի ունեցող բանակցություններից՝ «Արագ առաջ ենք գնում: Ահռելի տաղանդ ունեն մարդիկ, ովքեր Ամերիկան վերստին կդարձնեն մեծ երկիր: Շատ-շատ տաղանդավոր մարդիկ են»,- ասել է Թրամփը: Այդ մարդկանցից մեկն էլ ամերիկյան ծովային հետևակի պաշտոնաթող գեներալ Ջեյմս Մատիսն է, ով կարող է դառնալ Պենտագոնի ղեկավարը՝ «Կարծում ենք, մեծ մարդ է, մեծ մարդ»: Իսկ «Թվիթեր»-ում ընտրյալ նախագահն այսպես է գրել՝ «Ամենագեներալ Մատիսը»: Ի դեպ, պաշտոնաթող գեներալը բանակում ուներ շատ ազդեցիկ և խոսուն մականուն՝ Mad Dog՝ «կատաղած շուն»: Թրամփը գոլֆ-ակումբում հանդիպելով լրագրողներին, ասել է, որ առաջիկայում կհայտարարի իր կադրային նոր որոշումների մասին: Թրամփը Պենտագոնի հետախուզական վարչության նախկին պետ, պաշտոնաթող գեներալ-լեյտենանտ Մայքլ Ֆլինին առաջարկել է զբաղեցնել ազգային անվտանգության հարցերով խորհրդականի պաշտոնը: Ֆլինն ընդունել է առաջարկը: «Երբ Ամերիկայի նախագահը առաջարկ է ներկայացնում, հնարավոր է միայն մեկ պատասխան», - նախօրեին ասել է Թրամփի թիմի անանուն ներկայացուցիչը: Ուշագրավն այն է, որ Ֆլինը Բարաք Օբամայի նախագահության օրոք երկու տարի ղեկավարել է պաշտպանության նախարարության հետախուզական վարչությունը, սակայն 2014թ. հրաժարական է տվել և դրանից հետո դարձել է նախագահի արտաքին քաղաքականության խիստ քննադատը: Նա հատկապես դատապարտում է Օբամայի դիրքորոշումը «Իսլամական պետության» դեմ պայքարում՝ պնդելով, որ հիմա ահաբեկչական հարձակումների ենթարկվելու վտանգի տեսակետից Միացյալ Նահանգներն ավելի անպաշտպան է, քան 2001թ. սեպտեմբերի 11-ից առաջ: Ամռանը Հանրապետական կուսակցության ազգային համագումարում Ֆլինն իր աննախադեպ խիստ ելույթում պնդել է, որ Ամերիկան պարտավոր է առավել ագրեսիվ պայքարել «Իսլամական պետության» դեմ և այդ հարցում սերտորեն հա Թրամփը հետագայում՝ նախընտրական արշավի ընթացքում հանդիպելով ընտրողներին, հաճախ է կրկնել այդ, ինչպես նաև Իրանի հետ կնքված միջուկային գործարքը վերանայելու անհրաժեշտության մասին թեզերը: 58-ամյա Ֆլինը կարող էր համարվել նաև պաշտպանության նախարարի հարմար թեկնածու, սակայն օրենքի համաձայն, նախկին զինծառայողը իրավունք ունի հանրային պաշտոն զբաղեցնել զինված ուժերից հեռանալուց միայն 7 տարի անց, իսկ Ֆլինը պաշտոնաթող է եղել 2014-ին: Իսկ խորհրդականների նշանակման հարցում Սենատը դերակատարություն չունի: Ֆլինը Պենտագոնում աշխատելու տարիներին համարվել է հետախուզության բարձրակարգ մասնագետ, նա հայտնի է նաև որպես իր տեսակետները չթաքցնող, շիտակ խոսող անձնավորություն: Ֆլինն ասել է, թե 2011-ին Ուսամա բին Լադենին ոչնչացնելուց հետո «Օբամայի վարչակարգը նիրհել է դափնիների վրա՝ աչքաթող անելով այն, որ «Ալ-Ղայդայի մնացորդները կարող են միավորվել և ոտքի կանգնել»: Երբ Միացյալ Նահանգները դուրս է բերել հիմնական զորքն Իրաքից, Ալ-Ղայդայի մարտիկները միավորվել են ուրիշ զինյալների հետ և ստեղծել են «Իսլամական պետությունը», որը, լինելով շատ ավելի մարտունակ Իրաքի նորաստեղծ բանակի համեմատությամբ, կարողացել է գրավել այդ երկրի տարածքի կարևոր հատվածներ, ապա տեղափոխվել հարևան Սիրիա և այնտեղ էլ տարածքներ զավթել: Անցյալ տարվա դեկտեմբերին Ֆլինը մեկնել է Մոսկվա, որտեղ մասնակցել է պետական հովանավորությամբ գործող Russia Today մեդիա ընկերության 10-ամյակին: Այդ վիճահարույց այցի ընթացքում նա ռուսներին հարցազրույց է տվել, լուսանկարվել է հանդիսավոր ճաշկերույթին Վլադիմիր Պուտինի հետ մի սեղանի շուրջ նստած: Ապա` վերադառնալով Ամերիկա, Ֆլինը պաշտպանել է իր ուղևորությունը՝ ասելով, որ Russia Today-ը վճարել է իր ելույթի համար, և որ այցը «շատ կարևոր տեղեկություններ ստանալու ու սովորելու հրաշալի առիթ էր»: Հիմա ոչ միայն Ամերիկայում, այլև ամբողջ աշխարհում են ուշադրությամբ հետևում ընտրյալ նախագահի կադրային քաղաքականությունը: Ինչևէ, Թրամփը Կանզասից ընտրված պահպանողական կոնգրեսական Մայք Փոմփեոյին առաջարկել ղեկավարել Կենտրոնական հետախուզական վարչությունը: Այս առաջարկը նույնպես ընդունվել է: Բացի այդ, ըստ նախնական հաղորդագրությունների, Թրամփը Ալաբաման ներկայացնող հանրապետական սենատոր Ջեֆ Սեշնսյին առաջարկել է Արդարադատության նախարարի պաշտոնը: Ավելի վաղ Թրամփը Սթիվ Բենոնին նշանակել է Սպիտակ տան ռազմավարության պատասխանատու, իսկ Ռեյնս Փրիբուսին՝ իր ապագա աշխատակազմի ղեկավար: Սոնա Դավթյան