Կարեն Կարապետյանը ՀՀԿ-ին անդամակցելու դիմում է ներկայացրել

ՀՀ վարչապետ Կարեն Կարապետյանը դիմում է ներկայացրել` անդամագրվելու Հայաստանի Հանրապետական կուսակցությանը,այս մասին Կարապետյանը հայտարարեց ՀՀ կառավարության նոյեմբերի 24­-ի նիստին: «Այսօր ես դիմում եմ ներկայացրել ՀՀԿ-ին անդամագրվելու համար, ինչը տրամաբանական է»,-ասաց վարչապետը: Կարեն Կարապետյանը մեկնաբանեց, որ նախևառաջ իրեն վարչապետի պաշտոնին հրավիրել է ՀՀ Նախագահ, Հայաստանի Հանրապետական կուսակցության նախագահ Սերժ Սարգսյանը, և, բացի այդ, այդ որոշումը կայացնելու համար մի շարք պատճառներ կան: ՀՀԿ­ին անդամակցության մասին հայտարարել է նաև ՀՀ պաշտպանության նախարար Վիգեն Սարգսյանը: ՀՀԿ­ն անդամագրվելու դիմումները կքննարկի նոյեմբերի 26­ին կայանալիք համագումարի ընթացքում: Հայաստանի Հանրապետական կուսակցությունը հիմնադրվել է 1990թ.: ՀՀԿ­ն որպես իր գաղափարախոսության հիմք՝ ընդունել է Գարեգին Նժդեհի ուսմունքը: 2014թ. մայիսի 24­ին տեղի է ունեցել ՀՀԿ 15­րդ համագումարը և ՀՀ նախագահ Սերժ Սարգսյանը վերընտրվել է կուսակցության նախագահի պաշտոնում: