Կիսելյովի սկանդալային «բոցերը»
Նոյեմբերի քսանին իր ավանդական «Շաբաթվա լուրեր» լրատվական-վերլուծական ծրագրի ընթացքում ռուս հաղորդավար Դմիտրի Կիսելյովը, ներկայացնելով ԱՄՆ գործող նախագահ Բարաք Օբամայի եւ ընտրված նախագահ Դոնալդ Թրամփի հանդիպումը Սպիտակ տանը, իր խոսքում օգտագործել է «նա թափահարում էր ձեռքերը, կարծես ջունգլիներում լիներ» արտահայտությունը Օբամայի հասցեին այն դեպքում, երբ Թրամփի պահվածքի վերաբերյալ խոսել է ամենայն հարգանքով՝ ասելով՝ «նա իրեն զուսպ էր պահում, ինչպես անգլիացի լորդը»: Արդեն համացանցում տարածված տեսանյութում ուշագրավ փոփոխություն է կատարվել, եւ «ջունգլի» բառը հանվել է, ինչը չի վրիպել ամերիկյան վերլուծաբանների աչքից, ովքեր կարծիք են հայտնել, որ Вести.ru-ն, ամենայն հավանականությամբ, փորձել է խուսափել իր հաղորդավարի թույլ տված ոչ կոռեկտ արտահայտությունից, ինչը կարող էր ռասիստական սկանդալի առիթ տալ:
Հետևեք մեզ Viber-ում
