Խոսելու հերթը Միհրան Պողոսյանինն է
Անցել է տևական ժամանակ այն պահից, երբ վարչապետ Կարեն Կարապետյանը հրապարակավ հայտարարեց, թե ցանկացած անձ կարող է կամայական ապրանք ներմուծել, իսկ խնդիրների ժամանակ զանգահարել վարչապետին: Ավելի ուշ կառավարությունից պարզաբանեցին, որ անհրաժետության դեպքում պետք է զանգահարել ոչ թե ուղիղ վարչապետին, այլ նրա համապատասխան ոլորտը համակարգող խորհրդականին: Վարչապետի հայտնի հայտարարությունից անցել է մեկուկես ամիս և որևէ կոնկրետ տեղեկություն, թե այս ընթացքում քանի նոր ներկրող է հայտնվել չկար: Նոյեմբերի 21-ին ՊԵԿ-ը վերջապես բարձրացրեց լռության խորհրադավոր վարագույրը՝ հայտարարելով, որ բանանի ներկրման փորձը հաջողվել է: Պետական եկամուտների կոմիտեն տեղեկություն է տարածել այն մասին, թե ինչպես է ոմն տնտեսվարող ցանկացել բանան ներկրել Հայաստան, հաջողությամբ հատել Հայաստանի մաքսային սահմանը, սակայն արդեն սահմանը հատելուց հետո, պետության ներսում բախվել խնդիրների։ ՊԵԿ-ը հայտնում է, որ իրենք այս մասին օպերատիվ տեղեկություն են ստացել: ՊԵԿ նախագահ Վարդան Հարությունյանը հանձնարարական է տվել մաքսային մարմիններին՝ խիստ և հետևողական լինել գործընթացի նկատմամբ` բիզնեսի համար ապահովելով արդար և ազատ մրցակցային միջավայր: « Պարզվել է, որ տնտեսվարողը պարզեցված մաքսային ընթացակարգերով հատել է սահմանը, սակայն խոչընդոտների է հանդիպել արդեն հանրապետության տարածքում, որոնց կարգավորման հարցով ներկրողը դիմել է Պետական եկամուտների կոմիտե: Այսպես, Օպերատիվ հետախուզության և Ներքին անվտանգության վարչություններում օպերատիվ տեղեկություններ են ստացվել, որ անհայտ անձինք փորձում են խոչընդոտել բանանի ներկրման գործընթացը: Ձեռնարկված միջոցառումների արդյունքում, օրենքի շրջանակում, տնտեսվարողը ստացել է աջակցություն և հաջողությամբ իրականացրել ներկրումը: Հաշվի առնելով միջադեպը՝ Պետական եկամուտների կոմիտեն խստագույնս նախազգուշացնում է զերծ մնալ բիզնեսի բնականոն գործունեությանը խոչընդոտելու մտադրություններից, միաժամանակ կոմիտեն տնտեսվարողներին հորդորում է խնդիրների դեպքում անմիջապես ահազանգել. ապրանքների արտահանումը, ներկրումը, արտադրությունը և առևտրի կազմակերպումն ամենօրյա հսկողության ներքո է, և ՊԵԿ-ը պատրաստակամ է, օրենսդրության շրջանակում, անհապաղ լուծում տալ ցանկացած խնդրի»,- նշվում է ՀՀ ԿԱ պետական եկամուտների կոմիտեի տեղեկատվության և հասարակայնության հետ կապերի բաժնի հաղորդագրության մեջ։ Հաղորդագրությունը բավականին ուշագրավ է, նախ այն իմաստով, որ տնտեսվարողը, ով փաստորեն մաքասատանը որևէ խնդրի չի հանդիպել, խոչընդոտների է հանդիպել մարքսային սահնմանից ներս՝ ներկրման գործընթացի բարեհաջող ավարտից հետո, դիմել է ոչ թե իրավապահներին կամ ասենք Տնտեսական մրցակցության պաշտպանության հանձնաժաղովին, այլ ՊԵԿ-ին: Ինչո՞ւ է տնտեսվարողը նախընտրել դիմել ՊԵԿ-ին և ոչ թե Ոստիկանությանը: Այս հարցի պատասխանը ՊԵԿ հաղորդագրության մեջ չկա, սակայն ամենակարևորն այստեղ այն է, որ ՊԵԿ-ը հաջողությամբ լուծել է անհայտ անձանց խնդիրը և, ի վերջո, բանանի բաղձալի ներկրման փորձը ավարտվել է հաջողությամբ: ՊԵԿ հաղորդագրության մյուս հետաքրքիր նրբերանգը անհայտ անձի ինտիրգն է: Բանանի ներկրման մենաշնորհը՝ավելի քան 98 տոկոսը, ըստ ԶԼՄ հրապարակումների, պատկանում է ԴԱՀԿ նախկին պետ Միհրան Պողոսյանին` Քեթրինի Միհրանին։ Ուստի, օդում կախված է մնում այն հարցը, թե ով կարող էր լինել անհայտ անձը, ում ձեռնոտւ չէր բանանի ներկրման ոլորտում նոր տնտեսվարողի մուտքը: Իհարկե, միանգամյան հնարավոր է նաև, որ սա շատ լավ սարքված գործ է՝ ընդդեմ Միհրան Պողոսյանի: Ամեն դեպքում ՊԵԿ հաղորդագրությունից հետո առնվազն երկու նոր հաղորդագրություն ևս պետք է տարածվի: Առաջին՝ իրավապահ մարմինների կողմից՝ բիզնեսը խոչընդոտղ անհայտ անձաց հայտնաբերման վերաբերալ պետք է ներկայացվեն մանրամասներ, այլապես կստացվի, որ ՊԵԿ-ը փակ կառույց է, իսկ տնտեսվարողին խոչընդոտողները չեն պատժվում, հետևաբար նման պատմություններ կարող են էլի կրկնվել: Երկրորդ՝ տրամաբանական կլինի, որ բանանի ներկրման այս մութ պատմության շուրջ հայտարարությամբ հանդես գա նաև «Քեթրին գրուպն» ու նրա սեփականատեր Միհրան Պողոսյանը՝ հստակ պարզաբանելով իր ունեցած կամ չունեցած առնչությունն անհայտ անձանց հետ: Դավիթ Մանուկյան
Հետևեք մեզ Viber-ում
