«Մերձավոր արեւելքում քրիստոնյաների հետապնդումները ցեղասպանություն է». Ռուսիո պատրիարք

Մոսկվայի ու համայն Ռուսիո պատրիարք Կիրիլը Մերձավոր արեւելքում ահաբեկիչների կողմից քրիստոնյաների հետապնդումները ցեղասպանություն է  անվանել, հայտնում է «Ինտերֆաքսը»։ «Այն ինչ հիմա վիճակվել է քրիստոնյա աշխարհին, երբեք վիճակված չի եղել։ Սպանված քրիստոնյաների քանակով Ռուսաստանում հետապնդումները ավելի դաժան ու զանգվածային են եղել, բայց եթե համամասնությամբ դատենք՝ ոչ թե բացարձակ, այլ հարաբերական թվերով, ապա այն, ինչ տեղի է ունենում Մերձավոր արեւելքում կարելի է անվանել քրիստոնյա բնակչության ցեղասպանություն», ասել է պատրիարքը։ Պատրիարքը  մտահոգություն է հայտնել քրիստոնյաների ոչնչացմանն ուղղված ահաբեկիչների գործունեության կապակցությամբ։