Ո՞վ է պատվիրել Արթուր Ջավադյանի դեմ

Կենտրոնական բանկի  նախագահ Արթուր Ջավադյանն հայտարարել է, որ Կենտրոնական բանկի կապիտալ ներդրումները  և Դիլիջանի ԿԲ ուսումնական  կենտրոնի ծախսերը կապ չունեն պետական միջոցների հետ: «Մարդկանց թյուրիմացության մեջ են գցում. ԿԲ-ի կողմից կատարված որևէ կապիտալ ներդրում որևէ առնչություն չունի  ՀՀ պետական բյուջեի, ԿԲ ծախսերի և եկամուտների հետ»,- ասել է նա: Ջավադյանը նաև հերքել է իր հրաժարականի մասին լուրերը, որոնք վերջերս շրջանառվում էին մամուլում: ԿԲ նախագահը դրանք համարում է  պատվիրված. « Եթե ուզում եք իմանալ՝ ով է պատվիրել, հարցրեք պատվեր կատարողներին, նրանք շատ լավ գիտեն»: Իմչ վերաբորում է իր անձնական հարստությանը, ապա ԿԲ նախագահն ասել է, որ ինքը հարստացել է աշխատելով բանկիր: Ջավադյանի խոսքով՝  ինքը  Կենտրոնական բանկում աշխատանքի է անցել  1997թ.-ից, և իր ֆինանսական միջոցները կուտակել է մինչ այդ. «Ես առեւտրային բանկի սեփականատեր և տնօրեն եմ եղել, հետո բանկի իմ մասնաբաժինը վաճառել եմ, և, այո, հարստացել եմ: Ես զբաղեցրել եմ առևտրային բանկի տարբեր պաշտոններ, հետո հինգ տարի եղել եմ բանկի վարչության նախագահ, հետո 97-ին նշանակվել եմ ԿԲ խորհրդի անդամ, հետո եղել եմ ԿԲ նախագահի տեղակալ, այնուհետև ԿԲ նախագահ»: Մամուլում ամիսներ առաջ հրապարկվեց Արթուր Ջավադյանի և նրա կնոջ կողմից ներկայացված գույքի եկամուտների վերաբերյալ հայտարարագիրը, որից պարզվում է, որ Ջավադյաի ընտանիքը սկսել է լուրջ կարողություն  կուտակել 2011 թվականից սկսած: Այսպիսով, 2011-ի ընթացքում Ա. Ջավադյանը ձեռք է բերել 1 հատ հողամաս՝ 224 910 դրամով, և երկու հատ անհատական բանակելի տուն՝  համապատասխանաբար 20.35 միլիոն և 105 միլիոն դրամով:  Մեկ տարվա ընթացքում 125.6 միլիոն դրամի գույքի է ձեռքբերել: 2011-ի տարեսկզբին ունեցել է 257 միլիոն դրամ, 305 հազար ԱՄՆ դոլար և 192 հազար եվրո: Տարեվերջին դրամական միջոցները նվազել են՝  դառնալով 125 միլիոն դրամ, 410 հազար դոլար և 165 հազար եվրո: Այս տարվա ընթացքում նրա եկամուտների մի զգալի մասը բաժինը ստացվել են տրված փոխառությունների դիմաց ստացված տոկոսագումարներից. ի դեպ դրանք և ԱՄՆ դոլարով են եղել և ՀՀ դրամով՝ 10.3 միլիոն դրամ և 8000 դոլար: Աշխատանքի դիմաց վարձատրությունը կազմել է շուրջ 27.7 միլիոն դրամ, շահաբաժնից եկամուտը՝ 118 հազար դրամ: Նաև ունեցել է այլ եկամուտներ, որոնք հիմնականում արտարժույթով են եղել՝ 68 588 դոլար, 1164 եվրո և 805871 դրամ: Ընդհանուր եկամուտները կազմել են շուրջ 39 միլիոն դրամ, դոլարով՝  76588 դոլար և 1164 եվրո: Ջավադյանի կինը՝ Հասմիկ Մանուկյանը, 2013-ի ընթացքում 74,5 մլն դրամ արժողությամբ անհատական բնակելի տուն է ձեռք բերել: Նրա դրամական միջոցները կազմում են 75 մլն դրամ, 390 հազար եվրո եւ 450 հազար դոլար: ԿԲ նախագահի կնոջ 2013թ. եկամուտները կազմել են 28,3 մլն դրամ, 4800 եվրո եւ 9500 դոլար: Այս գումարից 3,6 մլն դրամը աշխատավարձն է, 24,5 միլիոնը՝ վարձակալությունից ստացված վճար, իսկ մնացածը՝ տոկոսներ փոխառություններից: Գույքի և եկամուտների հայտարարգրից չի երևում, որ Արթուր Ջավադյանի հարստության հիմքերը հասնում են մինչև 1997 թվական: Ի դեպ, 90-ականներին, երբ Ջավադյանի բանկային բիզնեսով էր զբացված Հայաստանի բանակային համակարգը դեռ նոր-նոր էր անցնում կայացման ճանապարհ: Այն ժամանակ բավականի մեծ էին նաև խաբված ավանադատուները, ովքեր  իրենց գումարները ներդրել էին բանկերում, որոնք հետո սնանկացել էին,  իսկ ավանդատուներն այդպես էլ իրենց ներդրված ավամադների լիարժեք հատուցում չստացան: Խաբված ավանդատուների բողոքները Կենտրոնական բանկի և կառավարության շենքի դիմաց երկար տարիներ չէին դադարում: Այդ  ժամանակ արդեն Ջավադյանը ԿԲ  խորհդի անդամ էր և մեր տեղկություներով    զբաղվում էր հենց  ավանդների փոխհատուցման խնդրով: Ավանդատուները  բանկերի լուծարման և ավամդների հատուցման  գործընթացից այդպես էլ դժգոհ մնացին,  մինչդեռ Ջավադյանը, որ գործի բերումով զբաղվում էր այս խնդրով, կարծես  դժգոհելու առիթ չունի: Երկիրն աղքատ է, բանկային ոլորտի գործերը ևս վերջին շրջանում այնքան էլ լավ  չեն՝ ընդհանուր դրամաշրջանառությունը անկում է ապրել, բայց այդ ամենը չեն խանգարում, որ Արթուր Ջավադյանը շարունակի մնալ աղքատ երկրի հարուստ բանկիր: Բայց ժամանակներն ամեն դեպքում խառն են՝ նոր վարչապետը սիրում է կարևոր օղակներում իր մարդկանց  հետ աշխատել: Ասում են՝ այս կտրվածքով Ջավադյանը  մտածելու բան ունի: Դավիթ Մանուկյան