Նոր պայմանագիր՝ ՌԴ-ի և Ճապոնիայի միջև
ՌԴ-ի և Ճապոնիայի միջև Կուրիլյան կղզիների խնդրի վերաբերյալ խաղաղ պայմանագրի կնքման հարցն այնքան էլ պարզ չէ, և դրա լուծման ուղու որոնման գործում մեծ քայլ անելը հեշտ չէ: TASS-ի հաղորդմամբ՝ այս մասին հայտարարել է Ճապոնիայի վարչապետ Սինձո Աբեն Պերուում Ասիա-խաղաղօվկիանոսյան տնտեսական համագործակցության գագաթնաժողովում ՌԴ նախագահ Վլադիմիր Պուտինի հետ հանդիպման արդյունքներով: «Մենք երկուսս հաստատեցինք կոնկրետ առաջխաղացումը 8 կետերով (ծրագրի), նաև լավ զրույց ունեցանք դեկտեմբերին Ճապոնիա Պուտինի այցի ընթացքում Նագատո քաղաքում հանդիպման վերաբերյալ»,- ասել է նա: «Իհարկե, մենք այսօր քննարկում ունեցանք այդ թվում՝ խաղաղ պայմանագրի շուրջ»,- հավելել է Աբեն:
Աբեն հիշեցրել է, որ այն չի լուծվել ավելի քան 70 տարի: «Դա այնքան էլ պարզ խնդիր չէ»,- ասել է նա: Ըստ նրա՝ խաղաղ պայմանագրի կնքման ուղու որոնումներում «անհրաժեշտ է քայլ առ քայլ շարժվել»՝ հաղթահարելով խոչընդոտները: «Այնքան էլ հեշտ չէ մեծ քայլ անելը (այդ գործընթացում), բայց ես ուզում եմ հուսալիորեն առաջ շարժվել քայլ առ քայլ»,- հայտարարել է Ճապոնիայի վարչապետը:
Հետևեք մեզ Viber-ում
