Նորադուզցի Ալիկը լարված հարաբերությունների մեջ է եղել Չարբախում սպանված Մուշեղյանի հետ. Armtimes.com

Armtimes.com-ին հայտնի է դարձել, որ նոյեմբերի 13-ին Շենգավիթ վարչական շրջանում գործող «Լիա» գեղեցկության սրահում տեղի ունեցած աղմկոտ սպանության գործով երրորդ անձ է ձերբակալվել: Նույն այդ տեղեկություններով, ձերբակալված ոմն Ղազարյանը Չարբախցի Գեղամի (Պետրոս Իսրայելյան) շրջապատից է: Նա նույնպես այդ օրը եղել է դեպքի վայրում: Այդ օրվա «գլխավոր մեղավոր» Մուշեղ Մուշեղյանը ինչ-ինչ գումարային հարցերի շուրջ տարաձայնություններ է ունեցել Չարբախցի Գեղամի հետ: Գեղեցկության սրահի տարածքում տեղի ունեցած «ռազբորկային» մասնակցել է մի քանի տասնյակ մարդ՝ հիմնականում Քրեական հեղինակություն Գեղամի շրջապատից: Նրանց ու Մուշեղ Մուշեղյանի միջև վիճաբանություն է սկսվել, որը վերածվել է լուրջ ընդհարման, ինչի ժամանակ Մուշեղ Մուշեղյանը իր մոտ եղած զենքով կրակել է իրեն շատ մոտ գտնվող Գևորգ Ավետիսյանի գլխին, որից հետո էլ տեղի է ունեցել փոխհրաձգություն: Ի դեպ, Մուշեղյանին նաև դանակահարել են. բացի հրազենային վիրավորումից նրա դիակի զննությամբ հայտնաբերել են նաև կտրող-ծակող առարկայով պատճառված մարմնական վնասվածք՝ որովայնի շրջանում։ Ինչպես արդեն տեղեկացրել ենք, այս գործի շրջանակներում այսօր ձերբակալվել են Քրեական հեղինակություն Նորադուզցի Ալիկն ու նրա ընկերը՝ Բդոն:   Մանրամասները՝ սկզբնաղբյուր կայքում