Կոնսերվատորիայի ռեկտորի ընտրությունն ու Հասմիկ Պողոսյանի պատասխանը
Այսօր Երևանի Կոմիտասի անվան պետական կոնսերվատորիայում տեղի են ունեցել ռեկտորի ընտրություններ: Առաջադրված միակ թեկնածուն բուհի ռեկտոր, պրոֆեսոր Շահեն Շահինյանն էր: Բուհի կառավարման խորհրդի 24 անդամներից 23-ը ներկա էին ընտրություններին: Քվեարկության արդյունքում Շահինյանը վերընտրվեց ռեկտորի պաշտոնում, նրա թեկնածությունն անցավ միաձայն: Նախորդ անգամ պարոն Շահինյանն ընտրվել էր 18 «կողմ» ձայներով, մեկ քվեաթերթիկ էլ անվավեր էր ճանաչվել: Կոնսերվատորիայի ռեկտորը նշեց, որ որ ոչ ոք չի ցանկացել առաջադրվել այդ պաշտոնում. «Մենք մեկ ամիս շարունակ սպասում էինք, որ կլինեն մարդիկ, որոնք հայտեր կներկայացնեն, բայց փաստորեն որեւէ հայտ այդպես էլ չստացանք»,- ասել է նա: Խորհրդի կազմում էր նաև մշակույթի նախկին նախարար Հասմիկ Պողոսյանը, ով հրաժարվեց պատասխանել լրագրողների հարցերին: Լրագրողներից մեկի հարցին, թե ինչու է խուսափում որևէ հարցի պատասխանելուց, ասաց, որ հանգստանում է. «, Եթե ուզում եք իմանաք ես շատ լավ եմ, հենց էդպես էլ գրեք»: Ի դեպ ռեկտորի ընտրությանը ներկա էր նաև Խորհրդի նախագահ Արմեն Սմբատյանը, որը հանդիսանում է Շահեն Շահինյանի հովանովորյալը: Սոնա Դավթյան
Հետևեք մեզ Viber-ում
