Արթիկում կինը հանկարծամահ է եղել ատամնաբույժի աթոռին. մանրամասներ. armtimes.com
Ատամը հեռացնելու պատճառով՝ Արթիկի մասնավոր ատամնաբուժարաններից մեկում տարեց կին է մահացել: Դեպքը տեղի է ունեցել նոյեմբերի 16-ին: Շիրակի մարզի դատախազությունից armtimes.com –ին փոխանցել են, որ ատամնաբուժարանը գործում է Արթիկ քաղաքի Անկախության փողոցի 27/1 շենքում: Մահացածը Գեղանիստ համայնքի բնակիչ, 79-ամյա Ասյա Ասլանյանն է: «Ատամը քաշելուց հետո իրեն վատ է զգացել: Բժիշկը փորձել է օգնություն ցույց տալ, բայց սիրտը կանգնել է»,- armtimes.com-ի հետ զրույցում դեպքի մասին մանրամասներ փոխանցեց Գեղանիստ համայնքի ղեկավարը: