Գինին թան չէ, ամեն մարդու բան չէ
ՀՀ ԱԳ նախարար Էդվարդ Նալբանդյանից լրագրողները հետաքրքվեցին , թե ինչպե՞ս կմեկնաբանի ԵԽԽՎ աղմկահարույց նիստից հետո, որտեղ հակահայ մեկ զեկույց ընդունվեց, հայկական պատվիրակության անդամներին ու դեսպաններին ուղղված քննադատությունները: « Դիվանագետը նույն զինվորն է` արտաքին ասպարեզում, հետևաբար, ինչպես անբարոյականություն է սահմանին կանգնած զինվորի վրա քար շպրտելը, այնպես էլ անբարոյական է դիվանագետի վրա քար շպրտելը: Ինչ-որ շատ են մեզանում առաջացել միջազգայնագետներ ու վերլուծաբաններ, որոնք սկզբում քննադատում են, հետո սկսում մեկնաբանել ու վերլուծել այդ քննադատությունը: Մի ասացվածք կա` գինին թան չէ, ամեն մարդու բան չէ»,- ասաց նախարարը:Իմ համոզմամբ, հայ դիվանագետներն ու պատգամավորները արել և անում են հնարավորը, որ թույլ չտան այնպիսի քայլեր, որոնք հարված կհասցնեն ԼՂ հիմնախնդրի կարգավորմանը,-հավելեց Նալբանդյանը:
Հետևեք մեզ Viber-ում
