Բացառիկն ու արժեքավորը՝ մեկ վայրում. «Arman Antigues»

Երևանում բացվել է  «Arman Antiques» պատկերասրահը, որտեղ ներկայացված են անվանի հայ և օտարերկրյա նկարիչների բարձրարժեք նկարներ: Պատկերասրահում ցուցադրված են նաև հայկական, ռուսական, եվրոպական և ասիական հնաոճ իրեր, դեկորատիվ արվեստի յուրօրինակ ցուցանմուշներ:

Hayeli.am-ի հետ զրույցում «Arman Antigues» պատկերասրահի տնօրեն Արման Մուրադյանը նշեց, որ իրենք ցուցադրում են ոչ միայն արվեստի արժեքավոր գործեր, այլ նաև զբաղվում են աճուրդներ կազմակերպելով: ««Arman Antigues» պատկերասրահը նաև աճուրդային ցուցասրահ է, որտեղ կազմակերպում ենք նկարների և հնաոճ իրերի աճուրդներ: Ներկայացված ցուցանմուշները 15-16-րդ դարերի են. առավել վաղ ժամանակաշրջանի գործերով չենք զվաղվում: Այս պահին մեր պատկերասրահը ներկայացված է միջազգային մի շարք օնլայն հարթակներում: Դրանց միջոցով նույնպես ներկայացնում և վաճառքի ենք դնում հայ նկարիչների արժեքավոր գործերը: Գ.Բաշինջաղյան, Ա. Պարսամյան, Ռ. Էլիբեկյան և այլ անվանի նկարիչների նկարների հանդեպ մեծ է հետաքրքրությունը հատկապես ոչ հայ արվեստասերների կողմից: Կարծում եմ՝ ազգային արժեքները նման միջազգային հարթակների միջոցով աշխարհին ներկայացնելն ու վաճառելը նորմալ գործընթաց է և նպաստում է այդ նկարիչների առավել հանրայնացմանը. Պատկերացրեք, եթե Այվազովսկու գործերը վաճառվեին միայն Հայաստանում և Ռուսաստանում, ինչ կլիներ:

Խոսելով խնդիրների մասին՝ Արման Մուրադյանը նշեց, որ, սովորաբար, սովետական շրջանի դասականների գործերը ցածր գնով են վաճառվում աճուրդներում, քանի որ այդ արվեստագետները հնարավորություն չեն ունեցել առավել հանրային դառնալու և աշխարհին ներկայանալու, ինչն ավելի կբարձրացներ նրանց գործերի արժեքը՝ գինը: «Օրինակ՝, եթե Վ. Սուրենյանցն ու Ա. Պարսամյանն ունենային աշխարհին ներկայանալու այն միջոցները, որոնք ունեն ժամանանակից արվետսագետները, այսօր նրանց գործերը կվաճառվեին տասնյակ հազարավոր դոլարներով»:

Վերջում հավելենք, որ «Arman Antigues»-ը բաց է հասրակության բոլոր շերտերի համար: Պատկերասրահ կարող ենք այցել անգամ երեխաները, որոնց համար կկազմակերպվի անվճար ցուցադրություն:

Աղավնի Սուքիասյան