«Իրանի նախկին նախագահը հաճախ օգնում է իր բնակավայրում աշխատող հավաքարարներին». 9 փաստ Մահմուդ Ահմադինեժադի կյանքից/տեսաշար,տեսանյութ/

Մահմուդ Ահմադինեժադը, նախագահության տարիներին աշխատանքի ավտոբուսով է գնացել, իսկ կինը մեդրեսեում հավաքարար է աշխատել: FoxNews ամերիկյան հեռուստատեսությունը հարցրել է Իրանի նախագահին. «Երբ առավոտյան նայում եք հայելուն, ի՞նչ եք մտածում»: Մահմուդ Ահմադինեժադը պատասխանել է. «Հիշիր, դու սովորական ծառա ես, ոչ ավել»: Ահմադինեժադը առաջին անգամ մուտք գործելով նախագահական նստավայր բոլորին զարմացրել է. նա նվիրաբերել է թանկարժեք պարսկական գորգերը Թեհրանի մզկիթներից մեկին, իսկ փոխարենը, նստավայրի համար պատվիրել սովորական գորգեր: Նախագահ ընտրվելուց հետո նա հրապարակել է իր ունեցվածքը. Պեժո 504, 1977 թ. մոդել, փոքրիկ հին տուն, որը 40 տարի առաջ ժառանգել է հորից՝ Թեհրանի աղքատ թաղամասերից մեկում: Նախագահական նստավայրի աշխատակիցներին զարմացրել է հնամաշ պորտֆելը, որով նախագահը ամեն օր ներկայացել է նստավայր: Պորտֆելի մեջ Ահմադինեժադը բերել է նաև իր նախաճաշը՝ մի քանի բուտերբրոդ կամ հաց և պանիր, որը տանը իր համար կինն է պատրաստել: Իրանի նախկին նախագահը հաճախ օգնում է իր բնակավայրում աշխատող հավաքարարներին: Իջևանելով որևէ հյուրանոցում, հրաժարվում է մեծ մահճակալներով սենյակներից: Նա գերադասում է գետնին քնել: Նախագահության տարիներին, նախարար նշանակելիս, պաշտոնյայից ստորագրություն էր վերցնում առ այն, որ նա պետք է ապրի համեստ և նրա ու բարեկամների բանկային հաշիվները մշտապես վերահսկվելու են: Ահմադինեժադը անգամ նախագահական թոշակ չի ստանում: Նախկին նախագահը դա բացատրում է նրանով, որ ողջ հարստությունը պետք է պատկանի ազգին: Նրա դրամական եկամուտը դասախոսական աշխատավարձն է՝ 250 դոլար: hranive.ru Հրապարակման պատրաստեց Պողոս Վարժապետյանը