Մոսկվայում տեղի ունեցած ավտովթարի ենթադրյալ մեղավոր ՀՀ քաղաքացին կալանավորվել է

Ոստիկանությունը քրեական գործ է հարուցել Մոսկվայի հարավ-արևելքում տրամվայի կանգառում տեղի ունեցած ավտովթարի փաստով, որի արդյունքում 13 մարդ է տուժել: Այս մասին հայտնում է ՏԱՍՍ-ը: «Ավտովթարի փաստով հարուցվել է քրեական գործ ՌԴ քրեական օրենսգրքի 264-րդ հոդվածի 1-ին մասով: Տաքսու վարորդի՝ 1968թ. ծնված ՀՀ քաղաքացու նկատմամբ խափանման միջոցի մասին հարցը որոշվում է»,-ասել է գործակալության զրուցակիցը: Գործակալության աղբյուրը հաղորդում է նաև, որ ավտովթարը կարող էր տեղի ունենալ տաքսու վարորդի կողմից մերկասառույցի պայմաններում արագության ռեժիմի գերազանցման արդյունքում: Վարորդը կալանավորվել է 48 ժամով: