Ֆեդերիկա Մոգերինին եվրոպական բանակի ստեղծուման մասին

Եվրամիության դիվանագիտության հանձնակատար Ֆեդերիկա Մոգերինին հուսով է, որ ԵՄ անդամ երկրների ԱԳ եւ պաշտպանության նախարարները երկուշաբթի Բրյուսելում կայանալիք համատեղ հանդիպմանը հավանության կարժանացնեն պաշտպանության եւ անվտանգության եվրոպական քաղաքականության նոր ռազմավարության իրականացման պլանը: Այս մասին հայտնում է «ՌԻԱ Նովոստի»-ն: Նրա խոսքով՝ ԵՄ-ը մտադիր է Միության գոյություն ունեցող պաշտպանական կառույցներն ավելի նպատակահարմար դարձնել, սակայն չի նախատեսում գլխավոր շտաբի ստեղծում եւ հավաքական պաշտպանություն, որը ներառված է ՆԱՏՕ-ի ոլորտի մեջ եւ ազգային  իրավասություն է համարվում: Ավելի վաղ Եվրահանձնաժողովի նախագահ Ժան-Կլոդ Յունկերը հայտարարել է, որ եվրոպական բանակի ստեղծումն անխուսափելի է, քանի որ ապագայում ԱՄՆ-ը հազիվ թե մտահոգվի Եվրոպայի անվտանգության համար: