Օբաման կպահանջի փակել հունական նավահանգիստները

ԱՄՆ նախագահ Բարաք Օբաման Հունաստան այցի ժամանակ կպահանջի տեղի իշխանություններին միանալ Ռուսաստանի դեմ պատժամիջոցները պահպանելու առաջարկին և փակել հունական նավահանգիստները ռուսական նավերի համար: Ինչպես հայտնում է հունական Militaire պարբերականը, վկայակոչելով Heritage Foundation ֆոնդի հոդվածին, Օբաման փորձելու է ճնշում գործադրել Հունաստանի վրա, որպեսզի այն պաշտպանի Ռուսաստանի դեմ պատժամիջոցների պահպանումը: Այդ հարցով քվեարկությունը կայանալու է ԵՄ-ում դեկտեմբերին: Բացի այդ, Օբաման պատրաստվում է դեմ հանդես գալ հունական նավահանգիստներում ռուսական նավատորմի տեղակայմանը: Պարբերականի տեղեկություններով՝ ԱՄՆ նախագահը խնդրելու է Հունաստանին օրինակ վերցնել Իսպանիայից, որը չեղարկել է ռուսական նավերի գալիք այցերը: