«Հիասքանչ».Թրամփը Պուտինի նամակի մասին

ԱՄՆ նորընտիր նախագահ Դոնալդ Թրամփը The Wall Street Journal-ի հետ հարցազրույցում հայտարարել է, որ «հիասքանչ» նամակ է ստացել ՌԴ նախագահ Վլադիմիր Պուտինից, և հայտնել Պուտինի հետ առաջիկայում ծրագրված հեռախոսազրույցի մասին։ Պուտինը շնորհավորական հեռագիր էր ուղարկել Թրամփին նոյեմբերի 9-ի առավոտյան, երբ հայտնի էին դարձել ԱՄՆ նախագահական ընտրությունների արդյունքները։ Ինչպես հայտնել է Կրեմլը, ուղերձում ՌԴ նախագահը ռուս-ամերիկյան հարաբերությունները ճգնաժամային իրավիճակից դուրս բերելու համատեղ աշխատանքի, միջազգային օրակարգի ակտուալ հարցերի լուծման և գլոբալ անվտանգության մարտահրավերերին արդյունավետ պատասխաններ գտնելու հույս էր հայտնել։