Վստահ եմ. Կարապետյանը՝ Ջավադյանին

ՀՀ Կառավարության այսօրվա նիստի սկզբում վարչապետ Կարեն Կարապետյանը դիմելով ՀՀ փոխարտգործնախարար Շավարշ Քոչարյանին, ասաց, թե խոսել է ԱԳ նախարար Էդվարդ Նալբանդյանի հետ, որ շաբաթական մեկ օր քննարկել ՏՏ ոլորտի ներկակացուցիչների համար բարենպաստ պայմաններ ստեղծելու պայմաններ: <Իրանք դիմել են հետեւյալ խնդրանքով՝ տասնհիգ երկրներում այդ հարթակն օգտագործելով իրենք ցանկանում են ունենալ ներկայացուցիչներ: Դա լրացուցիչ ծախս չէ ձեզ համար, դիվանագիտական կորպուսի համար, ծախսերը հոգալու են ՏՏ ոլորտի բիզնեսի ներկայացուցիչները, որպեսզի հասկանալի լինի, որ նրանք եւս խոսում են պետության անունից>,- նշեց Կարեն Կարապետյանը: Ապա Կարեն Կարապետյանը դիմեց Կենտրոնական բանկի նախագահ Արթուր Ջավադյանին: <ՊԵԿ նախագահը առաջարկություն ունի, իրենք ուզում են դասակարագում մտցնել հարկատուների՝ ռոնդավորում, եւ օրինապահ հարկատու կարգավիճակ տալ, եւ խնդրում են ձեզ, որ ձեր միջոցով քննարկվի մեր առեւտրային բանկերի հետ հարց, այն առումով, որ եթե հարկատուն ունի նման կոչում, իրեն բանկերը վերաբերվեն արտոնյալ կարգով>,- նշեց վարչապետը, հարցնելով ինչպես է կարծում միտքը իրագործելի է, թե ոչ: Ի պատասխան Ջավադյանն ասաց, թե թափանցիկ կազմակերպություններին առանձնացնելու համար հնարավոր է որոշակի փոփոխություններ կատարել կանոնակարգերում, եւ բանկային ռիսկերը նվազեցնել: <Ես վստահ եմ մի քիչ աշխատենք բանկերի հետ, թափանցիկ կազմակերպությունների հետ հնարավոր է իրականացնել>- ասաց Ջավադյանը, ինչին ի պատասխան Կարեն Կարապետյանն ասաց, թե ինքն էլ է վստահ, հետեւաբար քննարկումների մեկնարկը պետք է տալ: Փայլակ Ֆահրադյան