Դա Ռուսաստանը չի ու ընտրվածն էլ Պուտինը չէ. Ալբերտ Բաղդասարյան

Ամերիկան նախագահ ԸՆՏՐԵՑ: Եւ սրանով ամեն ինչ ասված է: Նույնիսկ հայ կամ հայաստանցի վերլուծաբան-գործիչ-քաղգործիչ-քաղգործիքներին: Ու պետք չէ էդքան անհանգստանալ ամերիկացիների «սխալ» ընտրության համար: Մի ցուցադրեք ձեր չիմացությունը պետությունից: Ամերիկան դա Ռուսաստանը, Բելառուսը, Ղազախստանը, Ուզբեկստանը, Ադրբեջանը կամ ծայրահեղ դեպքում Հայաստանը չէ: Այնտեղ ժողովրդավարական կայացած պետություն է: Իր կայացած պետական կառավարման համակարգով, ավանդույթներով, Իր կայուն, ժողովրդավարական սահմանադրությամբ, որն ապահովում է իշխանության հավասարակշռությունն ու համակարգային պատասխանատվությունը: Միևնույն է Թրամփը չի կարողանալու միանձնյա թեկուզ մեկ երկրում դեսպան նշանակի կամ ազատի: Սահմանադրությունն ու օրենքները թույլ չեն տալիս (հիշեք Հոգլանդին, Բրայզային ու Մենենդեսի վետոները), մի դատավոր նշանակի կամ ազատի,մի գուբերնատոր կամ քաղաքապետ նշանակի կամ ազատի: Այնտեղ կա հակակշիռ կոնգրես, կա անկախ դատական համակարգ: Գործում են օրենքները: Այնտեղ կա դեմոկրատական պետություն: Չի կարող կտրուկ փոխել ԱՄՆ քաղաքականությունը: Այն արդեն տասնամյակներով պայմանավորված է բազմաթիվ կոմպոնենտների հանրագումար ԱՄՆ պետական շահերով և նա ի վիճակի չէ էապես փոխել այդ բաղադրիչները, գումարը էապես փոխելու համար: Էնպես որ, «հարգելի» հայ ոչպետական մարդիկ, քաղ ու հասարակական ինքնագոհ գործիչներ, դա ձեր պատկերացրած ու ապրած երկրի «պռեզիդենտը» չի, որի կամքով են շնչում ու ապրում իրենց հպատակները: Դա Ռուսաստանը չի ու ընտրվածն էլ Պուտին չէ: Դե իսկ եթե Թրամփը խելքը թռցրածի մեկը դուրս գա, համակարգը դուրս կշպրտի: Այդպես է լինում կայացած պետությունում: Մի եղեք այդքան ծիծաղելի: