Մարզպետն ընդառաջ գնաց

Արագածոտնի մարզի Աղձք գյուղում կարծես արտակարգ  իրավիճակը հանդարտվել է։Հիշեցնենք,որ այն առաջացել էր այն բանից հետո,երբ  Գյուղի միջնակարգ դպրոցի ուսուցչական կոլեկտիվն ու աշակերտները դասադուլ էին հայտարարել պահանջելով վերադարձնել դպրոցի նախկին տնօրենին՝ Հարություն Սուքիասյանին: Հավաստի տեղեկությունների համաձայն Աղձք համայնքի դպրոցի տնօրենի ժամանակավոր պաշտոնակատար է նշանակվել Արագածոտնի Դաշնակցական մարզպետ Գաբրիել Գյոզալյանի սանիկը: Նոր տնօրենը Աղձք համայնքից չէ, այլ Փարպի գյուղից, որը Գյոզալյանի ծննդավայրն է: Այս փաստը հատկապես առաջացրել է գյուղաբնակների դժգոհությունը: Այսօր արդեն կրքերը մի փոքր հանդարտվել են,դպրոցում դասերը վերականգնվել են:Մարզպետը ազատել է   ժամանակավոր պաշտոնակատար Սոնա Միքայելյանին : Արագածոտնի մարզպետ Գաբրիել Գյոզալյանի որոշումով դպրոցի տնօրենի ժամանակավոր պաշտոնակատար է նշանակվել նույն դպրոցի երկարամյա աշխատակից Տիգրան Գասպարյանը։ Վերջինս այդ դպրոցում աշխատում է աշխարհագրության ուսուցիչ։