Իզորիան դա արել է դիտմամբ. Խիդաշելին դեմ է
Վրաստանի պաշտպանության նախարար Լևան Իզորիան հայտարարել է, որ Վրաստանում կվերականգնվի պարտադիր զինծառայությունը: «ՌԻԱ Նովոստի»-ի հաղորդմամբ՝ այն կիրականացվի նոր կարգով՝ զորակոչիկները կանցնեն ամբողջական նախնական պատրաստություն, նրանց ամենամսյա պարգևատրումը կհասնի 50 լարիի (մոտ 20 դոլար): Հիշեցնենք, որ անցած ամառ պաշտպանության նախկին նախարար Թինա Խիդաշելին վերացրել էր պարտադիր զորակոչը: Սակայն Խիդաշելիի կարծիքով՝ Իզորիայի հայտարարությունը զորակոչի խնայողության մասին չի համապատասխանում իրականությանը, իսկ նորակոչիկների որակը նախկինի պես բարձր չի լինի, և նրանց վրա կատարվող ծախսերը պարտադիր կավելանան։ Խիդաշելին չի բացառել, որ Իզորիան դա արել է դիտմամբ։
Հետևեք մեզ Viber-ում
