Հալեպը նորից գնդակոծվում է. կան զոհեր

Շրջափակման մեջ գտնվող Հալեպ քաղաքը հրադադարի ավարտին պես կրկին ռմբակոծության է ենթարկվել: Ինչպես տեղեկացնում է DW.com-ը, սիրիական բանակի կամ Ռուսաստանի ավիացիոն ուժերը հարվածներ են հասցրել քաղաքի արևմտյան ծայրամասերում գտնվող շրջանների ուղղությամբ, որոնք գտնվում են ապստամբների վերահսկողության տակ: Այս մասին նոյեմբերի 5-ի հաղորդել է Մարդու իրավունքների սիրիական դիտորդական կենտրոնը: Կենտրոնի տվյալներով` ավիահարվածների հետևանքով 4 մարդ է զոհվել, այդ թվում` մեկ երեխա: Սիրիական բանակը հրթիռակոծել է նաև ապստամբների կողմից վերջերս գրավված թաղամասը Հալեպի հարավարևմտյան շրջանում: