ԱՄՆ-ում վաղաժամկետ քվեարկությանն արդեն ավելի քան 30 մլն մարդ է մասնակցել. CNN

ԱՄՆ-ի նախագահի ընտրություններում շուրջ 30 մլն ամերիկացիներ են արդեն մասնակցել վաղաժամկետ քվեարկությանը: Այդ մասին, ինչպես տեղեկացնում Է «Արմենպրես»-ը, նոյեմբերի 4-ին հայտնել Է CNN հեռուստաընկերությունը, նշելով, որ այժմ վաղաժամկետ քվեարկություն Է ընթանում 38 նահանգներում: Օհայոյի նահանգում, հեռուստա ընկերության տվյալներով, արդեն քվեարկել Է 1,2 մլն մարդ, Նեւադայում՝ 512 հազար, Այովայում՝ 499 հազար մարդ:Վաղաժամկետ քվեարկությունն առավել ակտիվ Է ընթանում Ֆլորիդայում եւ Կալիֆոռնիայում. ինչպես հայտնել Է US Elections Project հետազոտական ծառայությունը, Ֆլորիդայում վաղաժամկետ քվեարկության իրավունքից օգտվել Է ավելի քան 4 մլն մարդ, իսկ Կալիֆոռնիայում՝ ավելի քան 3,3 միլիոն:Politico թերթն իր Էլեկտրոնային տարբերակում հայտնել Է, որ ԱՄՆ-ի պատմության մեջ առաջին անգամ գրանցված ընտրողների թիվը ներկայիս ընտրություններում կգերազանցի 200 միլիոն:   Վերջին ութ տարվա ընթացքում նրանք ավելացել են 50 միլիոնով, ինչը բացատրվում Է ընտրողների առավել ակտիվ գրացմամբ, հաղորդել Է ՏԱՍՍ-ը: