Հեպատիտ А-ի բռնկում՝ Պերմում

ՌԴ Պերմ քաղաքում կարանտին է սահմանվել հեպատիտ А-ով հիվանդանալու դեպքերի աճի պատճառով: Այս տարվա 10 ամիսների ընթացքում քաղաքում վիրուսի տարածման 348 դեպք է գրանցվել, հայտնում է BBC-ի ռուսական ծառայությունը՝ հղում անելով տեղի Ռոսպոտրեբնադզորի կայքին: Գերատեսչության տվյալով` 100 հազար մարդուն հեպատիտ А-ով վարակվելու 35.6 դեպք է բաժին ընկնում, որը 4 անգամ ավելի է, քան՝ վերջին տարիներին գրանցված միջին ցուցանիշը: Քաղաքի որոշ շրջաններում հիվանդության տարածման մակարդակն ավելի բարձր է: Ներկայում օրական 4-6 նոր դեպք է ի հայտ գալիս: Հեպատիտ А վիրուսը տարածվում է սննդի և ջրի միջոցով: Հիվանդության ախտանիշներն են թուլությունն ու ախորժակի անկումը, սրտխառնոցը և մկանային ցավը: