«Թուրքական լոլիկը բերում են, վրան գրվում` Made in Armenia ու արտահանում ՌԴ». Արամ Մանուկյան
այսօր ԱԺ մշտական հանձնաժողովների նիստում 2017թ. բյուջեի նախագծի քննարկումների ժամանակ ՀԱԿ խմբակցության անդամ Արամ Մանուկյանը հետաքրքրվեց լոլիկի արտահանումից և փաստեց, որ տեղի է ունենում քրեական հանցագործություն: «Ինչպես վստահեցնում է ՀՀ ԱՎԾ-ն՝ 40 տոկոսի աճ է եղել արտահանման, շուրջ հազար տոննա լոլիկ է արտահանվել: Ես հետաքրքրվել եմ Ջերմային տնտեսություններից, նման բան չկա, սա պետական խաբեություն է ու բացահայտ խեղաթյուրում: Դուք տեղյա՞կ եք դրա մասին, ի՞նչ եք անելու՝ նման խաբեության դեմն առնելու համար, արդյոք հայցով կմտնե՞ք ՀՀ Գլխավոր դատախազություն: Եթե ոչ, ապա ինչպե՞ս եք ռեֆորմներ անելու»: Իգնատի Առաքելյանը նշեց, թե լոլիկի արտահանման հետ կապված դետալներին տեղյակ չէ. «Գիտեմ, որ հատուկ հանձնաժողով է ստեղծվել, եկել-ուսումնասիրել է, պարզել են` կարո՞ղ է արտահանումն ավելանալ»: Արամ Մանուկյանն էլ հայտարարեց, որ թուրքական լոլիկը բերվում է, վրան գրվում` Made in Armenia, և արտահանվում. «Պարոն նախարար, եղեք ավելի հետեւողական այս հարցում»։