Դժվարությունը ոչ թե տեխնիկական է, այլ ֆինանսական.Դավիթ Հարությունյան

ԱԺ-ում լրագրողների հետ զրույցում ՀՀ կառավարության աշխատակազմի ղեկավար Դավիթ Հարությունյանը հայտարարեց,որ համապետական ընտրությունների ժամանակ նախատեսվող ուղիղ հեռարձակման համար տեսախցիկների գնման հարցում դժվարությունը ոչ թե տեխնիկական է, այլ ֆինանսական. «Կարող են գումարները չբավարարել և որևէ կազմակերպություն չցանկանա հանձն առնել այդ պարտավորությունը»: Լինելու է բաց գնման ընթացակարգ և ցանկացած կազմակերպություն, որը բավարարի եռակողմ հանձաժողովի կողմից սահմանած պահանջներին՝ կմասնակցի գնման գործընթացին,ասաց նա և հավելեց. «Պատասխանատվությունը միայն կառավարության ուսերին չի լինի։ Կլինի եռակողմ հանձնաժողով, որտեղ կառավարությունը կլինի փոքրամասնություն»: Հարությունյանն ընդգծեց, որ հանձնաժողովում մեծամասնություն են կազմելու ընդդիմությունն ու քաղաքացիական հասարակության ներկայացուցիչները։