...Որ խնդիրներ չլինեն, աշխատանքի որակն էլ չտուժի

«2017 թվականի պետական բյուջեի նախագծով ՀՀ-ի նախագահի աշխատակազմի բոլոր ծրագրերի ծախսերի համար նախատեսվել է 4 միլիարդ 522 միլիոն 944 հազար դրամ:2016 թվականին նախագահի աշխատակազմի և Ազգային անվտանգության խորհրդի աշխատակազմին հատկացված ընդհանուր 5 միլիարդ 97 միլիոն դրամի դիմաց՝ 2017  թվականի քննարկվող  նախագծով ներկայացված գումարը նվազել է 574 միլիոն դրամով: Նվազեցումը հիմնականում պայմանավորված է հետևյալով, համաձայն ՀՀ նախագահի 2016 թվականի օգոստոսի տասի կարգադրության՝ լուծարվել է Ազգային անվտանգության խորհրդի աշխատակազմ պետական կառավարչական հիմնարկը և ձևավորվել է ՀՀ նախագահի աշխատակազմում Ազգային անվտանգության խորհրդի քարտուղարություն»,-ՀՀ ազգային ժողովի Պետական-իրավական  հարցերի և ֆինանսավարկային  ու բյուջետային հարցերի մշտական հանձնաժողովների նիստում հայտարարեց ՀՀ նախագահի աշխատակազմի ղեկավար Արմեն Գևորգյանը: Այդ գումարը բավակա՞ն է նշված ծրագրերի իրականացման համար,հարց ուղղեցին լրագրողները ,ինչին ի պատասխան նա ասաց,որ  այնպես կանեն, որ խնդիրներ չլինեն, ու աշխատանքի որակն էլ չտուժի: Հարցին, թե արդյոք կարելի՞ է համոզված լինել, որ այդ գումարները նպատակային են ծախսվում, Ա. Գևորգյանն այսպես պատասխանեց. «Կարծում եմ՝ այդ հարցի պատասխանը տրվում է ամեն տարի բյուջեի քննարկումների հաշվետությունների քննարկման ժամանակ»: