«Լուսավոր Հայաստան»-ը «Զվարթնոց»-ի հարցով դիմել է կառավարությանը
«Զվարթնոց» օդանավակայանի հին շենքի հնարավոր ապամոնտաժման կապակցությամբ Ընգծելով, որ
- «Զվարթնոց» օդանավակայանի հին շենքը հանրության կողմից ճանաչված է որպես յուրօրինակ խորհրդանիշ և պատմական, մշակութային արժեք,
- բազմաթիվ տեղական և միջազգային հեղինակավոր ճարտարապետական կազմակերպություններ կոչ են արել ՀՀ կառավարությանը` պահպանել և վերականգնել «Զվարթնոցի» շենքը՝ որպես ճարտարապետական յուրատեսակ նմուշ:
- 2013թ․ նոյեմբերի 11-ին ՀՀ Նախագահին կից Հանրային խորհուրդը մերժել էր «Զվարթնոց» օդանավակայանի ուղևորային հին համալիրի (կլոր շենք) քանդման վերաբերյալ «Արմենիա» Միջազգային Օդանավակայաններ» ՓԲԸ-ի առաջարկը և այդ շինության պահպանման խնդրանքով դիմել էր ՀՀ կառավարությանը։
- «Զվարթնոց» օդանավակայանի շենքն ունի ոչ միայն պատմա-մշակութային, այլև կարող է ունենալ խոշոր տնտեսական նշանակություն, քանի որ շենքի տարածքում արդյունավետ աշխատանքի համար անհրաժեշտ պայմանների, ներդրումների և գործարարության խրախուսման այլ միջոցառումների կիրառման միջոցով հնարավոր է ստեղծել ազատ տնտեսական, որակյալ ժամանցի գոտիներ, տնտեսապես գործունեության համար բարենպաստ մթնոլորտ,
- տարածաշրջանային զարգացումների ներկա համատեքստում մեծ է արտերկրից փախստականների և ապաստան հայցողների, պարենի, այլ օժանդակության արագ ընդունման և տեղակայման գործում Զվարթոց օդանավակայանի հին շենքի ունեցած պոտենցիալը,
- կան հիմնավոր կասկածներ, որ շահագրգիռ որոշ կողմեր փորձում են ոչնչացնել վերոնշյալի համար անհրաժեշտ շենքային պայմանները, որ «Զվարթնոց» օդանավակայանի հին մասնաշենքի քանդման թույլտվությունը տրված է առանց համապատասխան իրավական հիմքի և պատշաճ փաստաթղթավորման, որ մասնաշենքի ապամոնտաժման մասին Երևանի ավագանին ու նրա անդամները պատշաճ կերպով ծանուցված չեն եղել,
- «Զվարթնոց» օդանավակայանի հին շենքը, Հայաստանի ռազմավարական նշանակություն ունեցող մյուս օբյեկտների (ԱԷԿ, ՀԷԿ-եր, Արփա-Սևան թունել) հետ միասին, կառուցվել է անվտանգության կանոնների առանձնակի, խիստ պահպանմամբ և ի վիճակի է դիմանալ 9 բալանոց երկրաշարժի, իսկ առկա մաշվածությունը կարելի է վերականգնել հարաբերականորեն փոքր ծախսերով:
- Թույլ չտալ «Զվարթնոց» օդանավակայանի բարձրահարկ շենքի ապամոնտաժման որևէ գործողության իրականացում:
- Ուսումնասիրել «Զվարթնոց» օդանավակայանի կլոր ուղևորային համալիրի կառավարման, քանդման և վերակառուցման հետ կապված բոլոր հարաբերությունները՝ հնարավոր կոռուպցիոն ռիսկերի և գործունեության հայտնաբերման ու կանխարգելման համար:
- Օրենքով սահմանված կարգով և ժամանակամիջոցում տեղեկացնել դիմումատուին՝ իրականացված գործողությունների, դրանց արդյունքների և հետևանքների մասին:
Հետևեք մեզ Viber-ում
