Թուրքիայում տարադրամը կտրուկ անկում է ապրել

Բորսայում գրանցվել է դոլարի նկատմամբ թուրքական լիրայի փոխարժեքի ռեկորդային նվազում: Ինչպես հայտնում են թուրքական ֆինանսական կայքերը, հոկտեմբերի 28-ի աճուրդներում դոլարը ռեկորդային ցուցանիշով արժևորվել է Թուրքիայի ազգային արժույթի՝ լիրայի նկատմամբ: Այսպես՝ դոլարի փոխարժեքը լիրայի նկատմամբ հասել է 3.13-ի, ապա նվազել 3.12-ի: Լիրայի փոխարժեքի այսչափ անկումը մասնագետները պայմանավորում են ԱՄՆ Դաշնային պահուստային համակարգի տոկոսադրույքների սպասված բարձրացմամբ և Սիրիայում, Իրաքում ընթացող պատերազմական գործողություններին թուրքական զինուժի մասնակցությամբ: