Apple-ը 20%-ով բարձրացրել է իր արտադրանքի գինը Մեծ Բրիտանիայում
Apple ընկերությունն առանց նախազգուշացման բարձրացրել է Մեծ Բրիտանիայում իր մի շարք ապրանքների գները 20 տոկոսով՝ ԵՄ-ից Բրիտանիայի դուրս գալու հարցով հունիսյան հանրաքվեից հետո ֆունտ ստեռլինգի թուլացումը փոխհատուցելու համար։ Այս մասին հայտնում է The Telegraph-ը։ Բարձրացումն անդրադարձել է iMac համակարգիչների ու MacBook նոթբուքերի վրա։ 13 դյույմանոց MacBook Pro-ի նոր տարբերակը, որը ներկայացվել է Apple-ի կողմից հոկտեմբերի 27-ին, կարժենա Մեծ Բրիտանիայում 1449 ֆունտ, մինչդեռ ԱՄՆ-ում՝ 1232 ֆունտ (1499 դոլար)։
Հանրաքվեից հետո ֆունտը դոլարի նկատմամբ էժանացել է մոտ 18 տոկոսով։