Ակտիվացել են Հալեպի գնդակոծությունները

Ria Novosti-ն՝ հղում անելով հակամարտող կողմերի հաշտեցման ռուսական կենտրոնին հաղորդում է ,որ  գրոհայինները Սիրիայի Հալեպ քաղաքի բնակելի մի քանի թաղամասերի գնդակոծությունը ակտիվացրել են։ Միայն վերջին օրերին 100-ից ավելի ական է նետվել քաղաքի վրա, ինչի հետևանքով զոհվել է 15, վիրավորվել՝ ավելի քան 150 խաղաղ բնակիչ։ Տուժածների մոտ հիմնականում առկա են ոտքերի, ձեռքերի և ծնոտի բեկորային վնասվածքներ։ Նախօրեին գնդակոծվել են քաղաքի 8 թաղամասեր։ Ահաբեկիչները կիրառում են գազային բալոններ, պայթուցիկներ և չկառավարվող ականներ։