Amazon-ի ղեկավարը 1 ժամում ավելի քան 3 մլրդ դոլար է կորցրել
Amazon ընկերության գլխավոր տնօրեն Ջեֆ Բեզոսը 1 ժամում կորցրել է 3.2 մլրդ դոլար միայն այն պատճառով, որ 2016թ. 3-րդ եռամսյակում ընկերության իրական շահույթն ավելի ցածր է եղել ոլորտի վերլուծաբանների արած կանխատեսումներից:
Ինչպես հայտնում է lenta.ru-ն, հեղինակավոր Forbes հանդեսի վարկածով՝ Միացյալ Նահանգների 2-րդ ամենահարուստ մարդը հոկտեմբերի 27-ի առավոտյան եղել է 70.7 մլրդ դոլար կարողության տեր, սակայն ցերեկը`ֆինանսական հաշվետվության հրապարակումից հետո, Amazon-ի արժեթղթերի գինը 5.7%-ով ընկել է: Դրա հետևանքով ընդամենը 1 ժամում Բեզոսի կարողությունը 70.7 մլրդ դոլարից հասել է 67.5 մլրդ-ի: