Օբամայի եղբայրը կոչ է արել ներում շնորհել Ջուլիան Ասանժին
ԱՄՆ նախագահի խորթ եղբայր Մալիք Օբաման Twitter-ի իր միկրոբլոգում կոչ է արել իր եղբորը` ներում շնորհելու WikiLeaks-ի հիմնադիր Ջուլիան Ասանժին. այս մասին հայտնել է ТАСС-ը: «Եղբայրս, խնդրում եմ ներիր Ջուլիան Ասանժին: Այն, ինչ նա անում է, էլեկտրոնային նամակարգրության հանրայնացում է ընդամենը»,- գրել է Մալիք Օբաման: Ավելի վաղ վերջինս հանդես էր եկել Դոնալդ Թրամփի օգտին` հայտարարելով, որ այժմ, երբ Բարաք Օբամայի նախագահության ժամկետը ավարտվում է, կարող է բացահայտ ասել, որ Թրամփի կողմնակիցն է: Ավելի վաղ Մալիք Օբաման հայտարարել էր, ԱՄՆ-ի նախագահական ընտրություններում աջակցում է հանրապետական թեկնածու Դոնալդ Թրամփին:
Հետևեք մեզ Viber-ում
