Կհաղթի Քլինթոնը. հարցում

Ամերիկացի յուրաքանչյուր տասն ընտրողներից գրեթե յոթն այն կարծիքին են, որ ԱՄՆ-ի նախագահական ընտրություններում հաղթանակ կտանի դեմոկրատների թեկնածու Հիլարի Քլինթոնը: Այդ մասին, ինչպես տեղեկացնում է «Արմենպրես»-ը, վկայում են CNN հեռուստաալիքի եւ ORC կորպորացիայի հարցման տվյալները: Բացի այդ, ԱՄՆ-ի բնակ իչների մեծամասնությունը կարծում Է, որ Քլինթոնի հաղթելու դեպքում հանրապետականների թեկնածու Դոնալդ Թրամփը չի ընդունի ընտրությունների արդյունքները:Հարցման համաձայն՝ Քլինթոնի հաղթանակին հավատում Է ամերիկացիների 68 տոկոսը: Մոտավորապես երկու ամիս առաջ, երբ անցկացվում էր նախորդ հարցումը, այդպես Էր կարծում հարցվածների 59 տոկոսը: Հունիսին նրանց թիվը կազմում Էր 55 տոկոս:Բացի այդ, ամերիկացիների 66 տոկոսը կարծում է, որ ձայները կհաշվվեն առանց սխալների: 2008 թվականի ընտրություններից առաջ այդպես Էր կարծում 58 տոկոսը, 2004 թվականին՝ 72 տոկոսը:Ընտրողների 77 տոկոսը կարծում է, որ բոլոր ձայների հաշվումից հետո տանուլ տված թեկնածուն կընդունի իր պարտությունը: