«Համախմբումը» կմիանա՞ ՀԱԿ-ին

Այսօր ԱԺ-ում «Համախմբում» կուսակցության փոխնախագահ Ստեփան Մարգարյանը լրագրողներին տեղեկացրեց, որ «Համախմբում» կուսակցությունը դեռ չի որոշել, թե ինչպես է մասնակցելու  խորհրդարանական ընտրություններին: Միևնույն ժամանակ Ս. Մարգարյանը նշեց, որ քաղաքական ուժերի հետ կոնսուլտացիաներն իրենք հեռանկարային են համարում: «Այս մասին կխոսենք այն ժամանակ, երբ կքննարկենք ու վերջնական որոշում կունենանք: Մենք ինքներս դեռևս այդպիսի հատուկ քննարկված որոշում չունենք, թե ինչ անել, ոնց անել, բայց կուսակցության ստեղծման օրվանից մենք հայտարարել ենք, որ կողմ ենք այդ գաղափարին», - նշեց նա: Ստեփան Մարգարյանն ընդգծեց, որ «Համախմբում» կուսակցության հնարավորությունները գալիք խորհրդարանական ընտրություններին ինքը համարում է բավականին բարձր: