Թուրքիան 4 մլն լիրա է խոստանում
Թուրքիան 4 մլն թուրքական լիրա խոստացել երկրում հուլիսի 15-ի հեղաշրջման փորձի գլխավոր կազմակերպիչ համարվող թուրք կրոնական քարոզիչ Ֆեթուլլահ Գյուլենի համակիրներից Ադիլ Օքսյուզի մասին տեղեկություն հաղորդելու համար: Այս մասին գրում է թուրքական «Հյուրիյեթ» թերթը: Օքսյուզը համարվում էր թուրքական ԶՈՒ-ում գյուլենականների գլխավոր համակարգողը և ձերբակալվել էր «Աքընջը» ավիաբազայի տարածքում հեղաշրջման փորձից անմիջապես հետո՝ հուլիսի 16-ին: Նրան ավելի ուշ բաց էին թողել:Այժմ ոստիկանության կողմից հետախուզվող «առաջնային» գյուլենականների 37 հոգանոց ցուցակում Ադիլ Օքսյուզի անունը գտնվում է «կարմիր գծով նշվածների» մեջ, այսինքն՝ նրան գտնելու կամ նրա մասին որևէ տեղեկություն հայտնելու պարագայում սահմանված է պարգևատրման ամենաբարձր գինը:
Հետևեք մեզ Viber-ում
