Մեսսիի նկատմամբ կանոնների խախտումից հետո ես վախեցա. Լուիս Էնրիկե

Կատալոնական «Բարսելոնա»-ի գլխավոր մարզիչ Լուիս Էնրիկեն «Բարսելոնա» – «Ատլետիկո Մադրիդ»(2:1) խաղից հետո անդրադարձել է հանդիպմանը՝ խոսելով Ֆելիպե Լուիսի՝ Մեսսիի նկատմամբ ցույց տված կանոնների խախտման մասին, որի արդյունքում ֆուտբոլիստն առաջին խաղակեսի վերջնամասում ուղիղ կարմիր քարտ ստացավ ու հեռացվեց խաղադաշտից: «Դուք գիտե՞ք, թե ինչ զգացողություններ եմ ես ունեցել, երբ ֆելիպե Լուիսը խախտեց կանոնները Մեսսիի նկատմամբ. ես վախեցել էի: Մենք չկարողացանք խաղի թելը մեր ձեռքը վերցնել հենց սկզբից, և դա ինձ զայրացնում է: Թիմի վերջին ցուցանիշներն այնպիսին են, որ ցանկացած հաղթանակը, եթե 4:0 չէ, ապա աղետ է: Սուարեսը հրաշալի տեսք ուներ. ես ուրախ եմ և´ նրա, և´ բոլոր երկրպագուների համար»,- «ARA»-ն փոխանցում է Էնրիկեի խոսքը: