Լրագրողի հարցը հունից հանել է Թրամփին
NBC-ի հեռուստաընկերության մասնաճյուղերից մեկում, երբ լրագրողուհին խնդրել է Հանրապետական կուսակցությունից ԱՄՆ-ի նախագահի թեկնածու Դոնալդ Թրամփին մեկնաբանել ռասիզմի վերաբերյալ նրա հասցեին հնչող մեղադրանքները,վերջինս անսպասելիորեն ընդհատել է հարցազրույցը : Զրույցի ձայնագրությունը, որը կայացել է Օհայոյի նահանգում ընտրողների առջեւ միլիարդատիրոջ ելույթից առաջ, հրապարակված է հեռուստաալիքի պաշտոնական կայքում: «Ընտրություններին մնացել է 19 օր, իսկ ձեզ ռասիստ, սեքսիստ են անվանում»,- սկսել է հարց տալ հարցազրույցը վարող Քոլին Մարշլը: Թրամփն իսկույն ընդհատել է նրան՝ ասելով. «Ձեզ հանդիպած բոլոր մարդկանցից ես ամենաքիչն եմ ռասիստ»,- ընդգծել է միլիարդատերը, ինչից հետո արագորեն հեռացել է:
Հետևեք մեզ Viber-ում
