Բրյուսելը հերքում է

Բրյուսելը հերքում է. Հալեպը ռմբակոծած F-16 կործանիչները բելգիական ՌՕՈՒ-ին չեն պատկանում

Բելգիայի պաշտպանության նախարարությունը Մոսկվայից տվյալներ է ստացել Հալեպի մերձակայքում խաղաղ բնակչության դեմ իրականացված ավիահարձակումների վերաբերյալ. Բրյուսելում պնդում են, որ փաստաթղթերում ներկայացված համարները պատկանում են երկրի թագավորական օդուժի ինքնաթիռներին, ասվում է գերատեսչության կոմյունիկեում, փոխանցում է РИА Новости-ն:

«Ռուսաստանի Դաշնության պաշտպանության նախարարությունը Մոսկվայում Բելգիայի դեսպանատան ռազմական կցորդին է փոխանցել ենթադրյալ ապացույցներ առ այն, որ բելգիական օդուժին պատկանող F-16 կործանիչներն են կրում հոկտեմբերի 18-ին իրագործված ու մի շարք խաղաղ բնակիչների մահվան պատճառ դարձած ավիահարվածի պատասխանատվությունը», - հայտնել է ՌԴ ՊՆ-ն:

Աղբյուրը հիշեցնում է, որ երեքշաբթի Հալեպի արվարձաններից մեկում գտնվող Հասաջեք բնակավայրի ուղղությամբ ավիահարված է իրականացվել, ինչի հետևանքով զոհվել է 6 մարդ:

Ըստ ՌԴ ՊՆ տվյալների՝ ռմբակոծման հատվածում ֆիքսվել են բելգիական F-16 կործանիչներ: