Սուրիկ Խաչատրյանին Քրիստոսի հետ համեմատողի որդին հայտնվել է իրավապահների ուշադրության կենտրոնում

Մոտ երկու ամիս առաջ «Սյունյաց երկիր» կայքի գլխավոր խմբագիր Սամվել Ալեքսանյանը մեկ շնորհավորանքով համացանցը իրար խառնեց, հիմա ինքն է խառնվել իրար՝ որդու հետ կապված տհաճ պատմության պատճառով: Ալեքսանյանը մեկ շնորհավորել էր Սյունիքի այն ժամանակվա մարզպետ Սուրիկ Խաչատրյանի 60-ամյակը և շնորհավորական հոդված է տեղադրել կայքում՝ հոդվածում համեմատել Խաչատրյանի գործը Քրիստոսի վարքի հետ. «Երբ Պետրոս եւ Հովհաննես առաքյալներին քննում էին Երուսաղեմի ատյանում, քահանայապետի հարցերից մեկին այսպես պատասխանեցին նրանք. «Իսկ մենք չենք կարող չասել, ինչ-որ տեսել ենք ու լսել» (Գործք առաքելոց, գործք 4.19): Սկզբունքն այս աչքի առաջ ունենալով ու մեր ներքին մղումին ընդառաջ գնալով՝ «Սյունյաց երկիր»-ը չէր կարող չներկայացնել մեր լեռնաշխարհի նշանավոր ու արժանավոր զավակին՝ Սուրեն Խաչատրյանին, ում 60-ամյակն է լրանում 2016թ. օգոստոսի 1-ին, ում կյանքի ուղին՝ պատանեկության տարիներից, մեր աչքի առաջ է: Ինքն էլ՝ որպես պետական այր, երկու տասնամյակ անկեղծորեն ձգտել է երկրամասի նշանավոր ու վաստակաշատ որեւէ մեկին չմոռանալ, նրանց արած-դրածն ըստ պատշաճի արժեւորել»: Խմբագիրն իր խոսքով ընդամենը փորձել էր արժեւորել Սուրեն Խաչատրյանի գործունեությունը՝ հիմքում դնելով իրատեսությունը: «Սուրեն Խաչատրյանի կյանքն ու գործը, անցած ճանապարհը պարտավոր ենք դիտարկել ժամանակի համապատկերի վրա, քանզի ժամանակից ու հասարակական-քաղաքական համակարգից դուրս մարդ (առավել եւս պետական ու հասարակական գործիչ) չկա ու չի կարող լինել: Այնպես որ՝ իր գործունեության բոլոր փուլերում նա կրել է հասարակական կյանքի անցումային փուլերին ուղեկցող բարդ ժամանակների կնիքը: Այդքանով հանդերձ՝ ունեցավ հատկանիշներ ու որակներ, որոնցով ակնհայտորեն ու շահեկանորեն տարբերվեց ու առանձնացավ» Ալեքսանյանը մի քանի էջանոց դիֆերամբներ էր ձոնել, որոնք չենք պատրաստվում կրկին ներկայացնել: Պարզվում է՝ նա բոլոր պատճառներն ունի երկրպագալու, աստվածացնելու Սուրիկ Խաչատրյանին: Որովհետեւ Խաչատրյանի բարձր ու ամուր հովանավորչությամբ նրա հարազատ որդին տարիներ շարունակ աղաղակող ապօրինություններ է իրականացրել ու մնացել անպատիժ: Սամվել Ալեքսանյանի որդին՝ Կարեն Լազարյանը, որը մոր ազգանունն է կրում, վեցը տարի առաջ նշանակվել է Գորիսի պետական քոլեջի տնօրեն ու ուսումնական հաստատությունը դարձրել ընտանեկան կապալ՝ թույլ տալով սրտի կամեցածը: Նա այստեղ հավելավճարներ է յուրացրել, թոշակներ, բայց ի վերջո հայտնվել իրավապահների ուշադրության կենտրոնում: Մեզ հասած տեղեկություններով՝  հունվարից հետո 15 ուսուցիչ է դուրս եկել  դպրոցից, առնվազն 10 միլիոնի չարաշահման փաստ է ի հայտ եկել: Խնդիրն այն է, որ Լազարյանը բարձր աշխատավարձեր է դուրս գրել, սակայն որոշ ուսուցիչների հետ փոխպայմանավորվածության արդյունքում այդ գումարների մի մասը իրեն է պահել, նրանք որոնք չեն համաձայնել հայտնվել են տնօրենի թիրախում ու հեռացվել քոլեջից: Կարեն Լազարյանն անգամ ստորագրություններ է կեղծել,  ու հիմա ՀՀ գլխավոր դատախազությունում այդ առիթով գործ կա հարուցված: Լազարյանն օգտվել է բոլոր հնարավոր : Օրինակ՝ միջին մասնագիտական բաժիններում ամեն կուրսում կա գրանցված 20 աշակերտ, որոնց, սահմանված կարգի համաձայն, կրթաթոշակ է հասնում, սակայն նրանցից ընդամենը 4-ին է այդ թոշակը հատկացվել, իսկ մյուսների հետ պայմանավորվածություն է ձեռք բերվել չներկայանալ, բայց դիպլոմներ ստանալ, արդյունքում իրեն է պահել կրթաթոշակները: Անի Սահակյան