Ֆիլիպինների նախագահը կրկին վիրավորել է Օբամային
Ֆիլիպինների նախագահ Ռոդրիգո Դուտերտեն Չիանստան կատարած այցի շրջանակներում հայտարարությամբ է հանդես եկել, որի համաձայն` իր երկրի համար ժամանակն է եկել հրաժեշտ տալ ԱՄՆ-ին: Գրում է Russian.rt.com-ը: «Ձեր (ԱՄՆ) ներկայությունը մեր երկրում ձեր իսկ սեփական շահերի համար էր: Այնպես որ, հրաժեշտ տալու ժամանակն է ընկերներ», - հեռուստաընկերությունը մեջբերում է Դուտերտեի խոսքերը: Ֆիլիպինների նախագահը հայտարարել է նաև, որ չի ցանկանում այլևս հետևել Արևմուտքի քաղաքական կուրսին և մտադիր է այն փոխել: Բացի այդ նա հերթական անգամ Օբամային թեթևաբարո կնոջ որդի է անվանել և հայտարարել, որ այլևս երբեք չի մեկնի Միացյալ Նահանգներ: Նախօրեին Ֆիլիպիններում հայտարարել էին, որ երկիրը կարող է կառավարվել նաև առանց ԱՄՆ-ի ռազմական աջակցության: Հիշեցնենք, որ նախկինում ևս Դուտերտեն վիրավորական արտահայտություններ է հնչեցրել Օբամայի հասցեին, որոնց ի պատասխան` Օբաման նրան «կոլորիտային տղա» էր անվանել:
Հետևեք մեզ Viber-ում
