Իսմայիլովայի հայցը մերժեցին

Turan լրատվական գործակալության փոխանցմամբ՝ Բաքվի շրջանային դատարանում ավարտվել է Բաքվի քաղաքային դատախազության դեմ լրագրողուհի Խադիջա Իսմայիլովայի հայցի դիտարկումը։ Լրագրողուհին փոխհատուցում է պահանջել 3 ամիս անհիմն ձևով կալանքի տակ պահելու համար՝ ինքնասպանության հասցնելու մեղադրանքով։ Իսմայիլովան ՔՕ 125-րդ հոդվածի մեղադրանքով կալանքի տակ է վերցվել 2014 թվականի դեկտեմբերի 5-ին։ Նա կալանքի տակ է մնացել մինչև 2015 թվականի մարտի 6-ը։ 2015 թվականի սեպտեմբերի 1-ին Բաքվի ծանր հանցանքները քննող դատարանը նրան դատապարտել է մինչև 8.5 տարվա ազատազրկման, նա արդարացվեց ՔՕ 125-րդ հոդվածով (տնտեսական հանցանքներ)։ Այդպիսով, ստացվում է, որ Իսմայիլովան 91 օր (05.12.2014-06.03.2015) կալանքի տակ է գտնվել ապօրինաբար։ Դատախազության դեմ ներկայացրած հայցում Իսմայիլովայի փաստաբանը նշել է, որ կալանքի պատճառով հայցվորը զրկվել է գումար վաստակելուց, իրավական օգնության ծախսեր է կատարել, ինչպես նաև գումարներ են ծախսվել դիետիկ սնունդ պատրաստելու և մեկուսարան հասցվելու վրա։