Պատմությունն ապագա սերունդների համար
Anadolu լրատվական գործակալության փոխանցմամբ՝ Թուրքիայի նախագահ Ռեջեփ Էրդողանը ՏԻՄ ղեկավարների հետ հանդիպման ժամանակ հայտարարել է, որ Թուրքիայի քաղաքացիները պաշտպանել են օրինական իշխանությունների կոչը՝ հուլիսի 15-ին դեմ արտահայտվելով ռազմական հեղաշրջման փորձին։ Նրա խոսքերով՝ Թուրքիայի քաղաքացիները գիտակցել են, որ կանխելով Ֆեթհուլլահ Գյուլենի կողմնակիցների գործողությունները՝ նրանք նպաստում են երկրի կայունության ամրապնդմանը։ Էրդողանն ընդգծել է պատմությունը ապագա սերունդների պատմությունը ճիշտ ներկայացնելու կարևորությունը. «Շատ կարևոր է, որ թուրք երիտասարդությունը հետազոտի պատմական իրական փաստերը և ոչ թե մտացածին բաները։ Մենք չենք կարող գործել ներկայիս պայմաններում՝ հենվելով 1923 թվականի հոգեբանության վրա։ Թուրքիան վերանայել է ազգային անվտանգության պաշտպանության իր ռազմավարությունը, և երկիրը պաշտպանությունից անցում է կատարել խնդիրները ի հայտ բերելուն ու վերացնելուն։ Եթե խնդիրը բխում է Սիրիայի ու Իրաքի տարածքից, ապա մենք դրանք կվերացնենք բնօրրանում։ Մենք չենք սպասի այնքան, որպեսզի խնդիրը մեզ համար դառնա այժմեական և չենք հանդուրժի մինչև վերջ։ Այսուհետ մենք ինքներս կպատասխանենք մարտահրավերներին։
Հետևեք մեզ Viber-ում
