Ով է Բաշար Ասադի կինը. լուսանկարներ

Wnews.am-ը շարունակում է ներկայացնել հեղինակավոր քաղաքական գործիչների կանանց։ Այս անգամ ներկայացնում ենք Սիրիայի նախագահ Բաշար Ասադի տիկնոջը՝ Ասմա ալ Ասադին։ Կրթություն Սիրիայի առաջին տիկնոջն անվանում են անապատի վարդ. նա արաբական աշխարհի ամենահեղինակավոր կանանցից է։ Ասմա Ասադը ծնվել է  1975թ. օգոստոսի 11-ին Լոնդոնում։ Նրա ընտանիքը ծագումով սիրիական Հոլմս քաղաքից  է։ Ասման ավարտել է լոնդոնյան դպրոցը, ստացել Լոնդոնի համալսարանի Թագավորական քոլեջի դիպլոմ համակարգչային տեխնոլոգիաների եւ ֆրանսիական գրականության ոլորտում։ Համալսարանն ավարտելուց հետո աշխատել է Դոյչե բանկում։ 1998 թվականից սկսել է աշխատել J. P. Morgan-ում ներդրումային ոլորտում, որից հետո աշխատել է նաեւ Նյու Յորքյան գրասենյակային ընկերությունում։ Նա Սիրիա է տեղափոխվել  2000 թ. նոյեմբերին, իսկ Ասադի հետ ամուսնացել 2001թ.։ Սեր Ասադն ու իր կինը ծանոթ էին մանկուց, քանի որ նրանց ընտանիքներն ընկերություն էին անում եւ հաճախ էին իրար հյուրընկալում, սակայն Ասմային սիրահարվել է Լոնդոնում փորձաշրջան անցնելու ժամանակ։ Սիրիայի առաջին նախագահն ամուսնուն երեք զավակ է պարգեւել. որդիներ Խաֆեզին ու Կարիմին եւ դստեր Զեյնին։ Առաջին տիկին Արդեն 15 տարի է՝ Ասադի կինը սատարում է ամուսնուն իր ծանր աշխատանքում եւ ապահովում է տան ջերմությունն ու հարմարավետությունը։ Նա զբաղվում է երեխաների դաստիարակությամբ եւ իրականացնում է երկրի առաջին տիկնոջ պարտականությունները՝ զբաղվելով կարիքավորներին ուղղված ակտիվ բարեգործությամբ։ Առաջին տիկնոջ գրասենյակը գտնվում է Դամասկոսի կենտրոնում։ Յուրաքանչյուր կարիքավոր կարող է նրա մոտ ընդունելության գնալ։ Այդպես է շարունակվում ամբողջ պատերազմի ընթացքում։ Օգնելով ամուսնուն՝ առաջին տիկինը փորձում է խուսափել քաղաքական հայտարարություններից։ Բացառություն է 2012թ. Դամասկոսում տեղի ունեցած մեծ հանրահավաքը՝ ուղղված Բաշար Ասադի պաշտպանությանը։ Այդ ժամանակ Ասման հարթակ բարձրացավ ավագ զավակների ուղեկցությամբ։ Նա նաեւ բաց նամակ էր հրապարակել Սիրիայում եվրոպական երկրների դեսպանների կանանց նամակին իր պատասխան, ովքեր իր ամուսնուն «արյունալի տիտան» էին անվանել։ Առաջին տիկինը գրել էր. «Բաշար Ասադը ամբողջ Սիրիայի, այլ ոչ թե սիրիացիների մի մասին նախագահն է։ Ես աջակցում եմ նրան հենց այդ դերում»։ «Եթե ինձ այդպես վիճակվի, ապա ամուսնուս ու երկրի հետ պատրաստ եմ ընկնել ինկվիզիցիայի կրակների մեջ եւ ընդունել տանջանքները մինչեւ վերջ»,- ասում է Ասման։ «Ես հրաժարվում եմ ապրել վախի մթնոլորտում։ Ներկայումս Սիրիայի բոլոր բնակիչները գտնվում են վտանգի մեջ, ինչո՞վ եմ ես իրենցից լավը։ Ամենակարեւորը՝ ինչպե՞ս կարող եմ մարդկանց համոզել ապրել իրենց կյանքով, աշխատանքի գնալ, երեխաներին դպրոց ուղարկել, եթե ես ինքս նույնը չեմ անում։ Դա անամոթություն կլիներ։ Անկեղծ ասած՝ ինձ համար ավելի վտանգավոր կլիներ առօրյա կյանքից մեկուսացումը»,- իր վերջին հարցազրույցում հայտարարել է նա։